ඉන්දීය හමුදාව විසින් එල්ල කරන ලද මිසයිලයක් පාකිස්ථානයට පතිත වී තිබේ. ඉන්දියාව බදාදා (මාර්තු 9) සිද්ධිය පිළිගෙන ඉහළ මට්ටමේ පරීක්ෂණයක් පැවැත්වීමට නියෝග කළේය.
පකිස්තාන වාර්තා අනුව මිසයිලය ඔවුන්ගේ ගුවන් සීමාවට කිලෝමීටර් 100 කට වඩා වැඩි දුරක් ශබ්දයේ වේගය මෙන් තුන් ගුණයක වේගයෙන් විනිවිද ගියේය.
ඉන්දීය ආරක්ෂක අමාත්‍යාංශය සිකුරාදා (මාර්තු 11) සිද්ධිය සම්බන්ධයෙන් කනගාටුව ප්‍රකාශ කළේ බදාදා මිසයිලය පාකිස්තානයේ ඛනේවාල් දිස්ත්‍රික්කයේ මියන් චානු ප්‍රදේශයට පතිත වූ බව දක්වමිනි. මිසයිලය 'අහම්බෙන්' පාකිස්තානයට ඇතුළු විය. මෙම සිදුවීම ‘තාක්ෂණික දෝෂයක්’ ඔවුන් හඳුන්වා ඇත.
නිවේදනයක් නිකුත් කරමින් අමාත්‍යාංශය පවසන්නේ මෙම සිදුවීම අතිශය ඛේදනීය සිදුවීමක් නමුත් අනතුරින් ජීවිත හානි කිසිවක් සිදුවී නොමැති බවයි.
පකිස්තානයේ අන්තර් සේවා මහජන සම්බන්ධතා (ISPR) හි අධ්‍යක්ෂ ජනරාල් මේජර් ජෙනරාල් බබාර් ඉෆ්ටෙකාර් මාධ්‍ය වෙත පැවසුවේ සිද්ධිය සම්බන්ධයෙන් දිල්ලියෙන් පැහැදිලි කිරීමක් ඉල්ලා ඇති බවයි.
එහි ප්‍රතිඵලයක් ලෙස පාකිස්ථාන ගුවන් සීමාව උල්ලංඝණය වී ඇති බව ඔහු කියා සිටියේය. මෙවැනි සිදුවීම් ගුවන් සේවයට තර්ජනයක්. මෙම සිදුවීමෙන් ඉන්දියාවේ තාක්ෂණික දක්ෂතාවය නරක ලෙස පිළිඹිබු වී ඇත.
මේජර් ජෙනරාල් බබාර් ඉෆ්ටෙකාර් කියා සිටියේ පකිස්ථානය මෙම සිද්ධියට දැඩි විරෝධය පළ කරන බවත් මින් ඉදිරියට මෙවැනි සිදුවීම් නැවත සිදු නොවිය යුතු බවට අනතුරු අඟවන බවත්ය.
0 Comments