ෂේන් වෝන්ගේ ලේ පැල්ලම් හමුවුණත් මරණය සැක නෑ - තායිලන්ත පොලිසිය

විස්තර විචාරකයෙකු සහ ව්‍යාපාරිකයෙකු බවට පත් වූ ක්‍රිකට් සුපිරි තරුව ෂේන් වෝන් පසුගිය සිකුරාදා තායිලන්ත කොහ් සමුයි දූපතේ සුඛෝපභෝගී සමුජානා විලාස් නිවාඩු නිකේතනයේ ඔහුගේ කාමරයේ සිහිසුන්ව සිටියදී සොයා ගන්නා ලදී.

තායි පොලිසිය පැවසුවේ ෂේන් වෝන් මිතුරන් හතර දෙනෙකු සමඟ විලා හි රැඳී සිටි බවත්, ප්‍රාදේශීය වේලාවෙන් සවස 5 ට පමණ ෂේන්ව අවදි කිරීමට කණ්ඩායමේ එක් අයෙකු උත්සාහ කළ විට ඔහු ප්‍රතිචාර නොදැක්වූ බවත්ය.

මිතුරා Andrew Neophitou විනාඩි 20ක් ප්‍රථමාධාරදී ඔහුව පණ ගැන්වීමට නිරර්ථක උත්සාහයක නියැළුණි .

ඒ අවස්ථාවේ සිහිය තිබුණත් ඔහු බේරා ගැනීමට නොහැකි වූ අතර පසුව ඔහු රෝහලේදී මිය ගියේය.

තායි පොලිසිය සෙනසුරාදා හෙළි කළේ ඔහුගේ කාමරයේ ලේ පැල්ලම් වලින් විසිරී ඇති නමුත්  සැකසහිත යමක් ඇතැයි යන්න පරීක්ෂකයින් බැහැර කර ඇති බවයි.සුඛෝපභෝගී කාමරයේ මත්පැන් හෝ දුම්වැටි කිසිවක් හමු නොවූ බව ද සඳහන් කරයි.

වෝන්ගේ ඇඳ පාමුල ඇති කාපට් මත ලේ පැල්ලම් දෙකක් මෙන්ම ලේ තැවරුණු තුවා තුනක් සහ එක් කොට්ටයක්, මෙට්ටය මත ද ලේ පැල්ලම් දක්නට ලැබිණි. ගිලන් රථ කාර්ය මණ්ඩලය වෝන් සිටි ඇඳ අසල වමනය කර තිබූ බවද වාර්තා කළේය. කාමරයේ කාන්තාවන් නොසිටි බවත්, ඔවුන් කාමරයේ සාද පැවැත්වූ බව සිතීමට හේතු වූ අසාමාන්‍ය දෙයක් හෝ නොමැති බවත් වාර්තා කර ඇත.

ෂේන් වෝන් තායිලන්තයට පැමිණීමට පෙර පපුවේ වේදනාවක් පිළිබඳව වෛද්‍යවරයකු හමුවී ඇති අතර ඇදුම සහ හෘදයාබාධවලින් පෙළෙන බවද පොලිසිය අනාවරණය කළේය.

Bo Phut පොලිස් අධිකාරී Yuttana Sirisomba පැවසුවේ වෝන්ගේ පවුලේ අය වෛද්‍ය තොරතුරු ලබා දී ඇති බවත් මෑතකදී ඔහුගේ ‘හදවත‘ සම්බන්ධ ගැටලු තත්වයන් වාර්තා කර ඇති බවත්ය.

ෂේන් වෝන්ගේ මරණයෙන් පසු තායිලන්තයේදී සිදු කළ යුතු පරීක්ෂණ කටයුතු අවසන්ව ඇති අතර ප්‍රාදේශීය තායි පොලිස් නිලධාරියෙක් පවසා ඇත්තේ සඳුදා රෝහලේ මරණ පරීක්‍ෂණ ප්‍රතිඵලය ලබා ගන්නා බවය. දේහය එරටින් නිදහස් කරන්නේ ඉන් පසුය.

වෝන්ගේ දේහය ඕස්ට්‍රෙලියාවට ගෙන ඒමට පුද්ගලික ජෙට් යානයක් හෝ රජයේ ගුවන් යානයක් සලකා බලා ඇති අතර, එය බොහෝ විට සූරත් තානි ජාත්‍යන්තර ගුවන් තොටුපළෙන් ගුවන් ගත වනු ඇත.

කෙසේ වෙතත්, මෙල්බර්න් වෙත සෘජු ගුවන් ගමන් නොමැති නිසා සැලසුම් නැවත සලකා බැලීමට සිදු වී ඇති අතර විකල්ප සොයා තවමත් සැලසුම සකස් වෙමින් පවතින බව හෙරල්ඩ් සන් පුවත්පත වාර්තා කර තිබේ.

 52 හැවිරිදි ක්‍රිකට් ක්‍රීඩකයාගේ දේහය තායිලන්තයේ සිට ඕස්ට්‍රේලියාවට රැගෙන ඒමෙන් පසු ඔහුගේ සමීපතම මිතුරන් සහ පවුලේ අය මෙල්බර්න් නුවරට රැස්වනු ඇත.
මෙල්බර්න් ක්‍රිකට් ක්‍රීඩාංගණයේ 100,000 ක් පමණ ජනතාවක් ඉදිරියේ රාජ්‍ය ගෞරවයක් පැවැත්වීමට නියමිත වන අතර ඊට පෙර පෙර ෂේන් වෝන්ගේ පවුලේ අය සමුගැනීම සඳහා පෞද්ගලික අවමංගල්‍ය උත්සවයක්ද පවත්වනු ඇත.

මේ මස අගදී ෂේන් වෝර්න් වෙනුවෙන් මහජන ස්මාරකයක් ඉදිකර එය සැමරුම් ස්ථානයක් ලෙස වෙන්කිරීමට නියමිත අතර එහි සැලසුම තවමත් අවසන් වෙමින් පවතී.

ඉදිකර ඇති ෂේන් ​​වෝන් ප්‍රතිමාව පාමුල VB කෑන්, මල්, හෘදයාංගම ලිපි ආදියෙන් උපහාර දැක්වීමට රසිකයෝ පසුගිය දිනවල MCG වෙත රොක් වූහ.

ජනප්‍රිය ක්‍රිකට් ක්‍රීඩකයාගේ වියෝව සැලවී ඉරිදා, වෝන්ගේ දෙමාපියෝ ඔහුගේ හිටපු බිරිඳ සිමෝන් කැලහාන් බැලීමට ගියහ.

වෝන්ගේ පියා කීත් සහ මව බ්‍රිගෙට්, ඔහුගේ සහෝදරයා ජේසන් සහ ඔහුගේ ලේලිය සහ බෑණනුවන් ගිනිකොනදිග මෙල්බර්න් හි සිමෝන්ගේ නිවසට පැමිණියහ.

ක්‍රිකට් ක්‍රීඩක ආරොන් හැමිල්, ස්ටීවන් බේකර් සහ දිමිත්‍රි මස්කරෙන්හස්ගේ සමීප මිතුරන් ද ශෝකයෙන් පෙළෙන පවුල බැලීමට ගිය බව පැවසිණි.
ඔහුගේ බිරිඳ බ්‍රිගේට් වාර්තාකරුවන්ට පැවසුවේ: 'අපි කම්පනයෙන් ඉන්නේ... ඒත් අපි හොඳින්' කියාය.
ඔහුගේ හිටපු බිරිඳ සහ දරුවන් තිදෙනා වන ජැක්සන්, බෲක්, සමර් ක්‍රිකට් ක්‍රීඩකයාගේ මරණයෙන් කම්පිත වී සිටින අතර ඔහු 'ඕනෑම මොහොතක ගෙදර එනු ඇතැයි' අපේක්ෂා කරන බව වාර්තා කර තිබේ.
වෝන්ගේ හිටපු පෙම්වතියක වන එලිසබෙත් හර්ලි සමග ඔහු වසර තුනක් පෙම් සබඳතාවක් පැවැත්වූ අතර, ඔවුන් වඩාත් ප්‍රීතිමත් කාලවලදී තෝරාගත් ඡායාරූප සමාජ මාධ්‍ය වෙත බෙදා ගෙන තිබේ.