රුසියාව යුක්රේනය ආක්‍රමණය කිරීමෙන් පසු දරුණුතම සටන් පවතින කියෙව්හි ඉදිරිපෙළ උපනගරයක් වන ඉර්පින් හි ඉරිදා එක්සත් ජනපද මාධ්‍යවේදියෙකු වෙඩි වැදී මියගොස් තවත් අයෙකු තුවාල ලැබීය.
ඇමරිකානු වාර්තාකරුගේ සිරුරේ තිබී සොයාගත් හැඳනුම්පත අනුව ඔහු නිව් යෝර්ක් ටයිම්ස්හි 50 හැවිරිදි වීඩියෝ වාර්තා කරුවෙකු වන බ්‍රෙන්ට් රෙනෝඩ් ලෙස හඳුනාගෙන ඇත.
ඔහු පුවත්පතේ සේවය කළ බවට වාර්තාවල සඳහන්වූ නමුත් ඔහු මිය යන විට ඔහු ඒ පුවත්පත සඳහා වැඩ නොකළ බව එක්සත් ජනපදයේ ආරංචි හෙලි කර ඇත.
ජාත්‍යන්තර මාධ්‍යවේදීන්ගේ සම්මේලනය තුවාල ලැබූ අනෙක් වාර්තාකරු ඇමරිකානු ඡායාරූප ශිල්පී Juan Arredondo ලෙස හඳුනාගෙන ඇත.
ප්‍රහාරය නිසා ඔවුන් සමඟ එකම මෝටර් රථයේ සිටි යුක්රේන ජාතිකයෙකු ද තුවාල ලබා ඇත.
යුක්රේන භෞමික ආරක්ෂාව සඳහා ස්වේච්ඡාවෙන් ඉදිරිපත් වූ ශල්‍ය වෛද්‍ය ඩැනිලෝ ෂැපෝලොව් පැවසුවේ රෙනෝඩ් ඔහුගේ ගෙලට වෙඩි වැදීමෙන් ක්ෂණිකව මිය ගිය බවයි.
යුක්රේන නිලධාරීන් වෙඩි තැබීම සම්බන්ධයෙන් රුසියානු හමුදාවන්ට දොස් පැවරීමට ඉක්මන් වූ නමුත් නිශ්චිත තත්වයන් අපැහැදිලි විය.
නිව් යෝර්ක් ටයිම්ස් පුවත්පත 2015 දී පුවත්පතට අවසන් වරට දායක වූ මියගිය Renaud "දක්ෂ ඡායාරූප ශිල්පියෙකු සහ චිත්‍රපට නිෂ්පාදකයෙකු" ලෙස හැඳින්වීය.
Renaud 2019 දී Harvard University හි Nieman Fellowship දිනා ගත් අතර, ඔහු තම උපන් ගම වන Little Rock, Arkansas හි Black Lives Matter විරෝධතා ඇතුළු ගෝලීය ගැටළු රාශියක් වාර්තා කළ අයෙකි.
පෙබරවාරි 24 වැනිදා රුසියානු ප්‍රහාරය ආරම්භ වීමෙන් පසු යුක්රේනයේදී ඝාතනයට ලක්වූ පළමු විදේශ වාර්තාකරුවා බවට රෙනෝඩ් පත්වෙයි.
0 Comments