ජනපතිට 'ගෙදර යන්න' හා 'අපි ඔබ සමගයි' කියමින් හැෂ් ටැග් රැලි දෙකක්

සමාජ මාධ්‍ය පරිශීලකයින් අතර රජයට පක්ෂ සහ විරෝධී ක්‍රියාකාරීන් දෙපිරිස ආරම්භ කර ඇති නව #hashtags දෙකකින් විවිධ මත පළවන්නට පටන්ගෙන තිබේ.
#WeAreWithGota සහ #GoHomeGota යන හැෂ් ටැග් දෙක මෙම කලබලය ඇති කර තිබෙයි.
ශ්‍රී ලාංකේය Twitter අවකාශය මේ ගැන වැඩිපුර සාකච්ඡා කිරීම් සිදු කරනු දක්නට ලැබේ.

සමාජ මාධ්‍යවල පුද්ගලයින් කිහිප දෙනෙකු විසින් #GoHomeGota ව්‍යාපාරයක් දියත් කර ජනාධිපති ගෝඨාභය රාජපක්ෂට ඉවත් වන ලෙස ඉල්ලා සිටි අතර,දින කිහිපයකට පසු, රජයට දේශපාලනඥයන්ට සහ පුද්ගලයින්ට සහාය දක්වන #WeAreWithGota සමඟින් ජනාධිපතිවරයාට සහාය දැක්වීමේ ව්‍යාපාරයක් ද දියත් කළේය.

#WeAreWithGota ටැග් එකින් කරුණු දක්වා ඇති කෙහෙළිය රඹුක්වැල්ල ඇමතිවරයා මේසේ ලියා තිබේ.
'මේ ලෝකය දැකපු ලොකුම ආර්ථික අර්බුදයට අපි මුහුණ දෙනවා. #lka දැන් එහි ප්‍රතිඵල අත්විඳිමින් සිටී. අපි එකතු වෙන්න ඕන.අපි එකතුවෙලා යුද්ධය අවසන් කළා.අපි එකතුවෙලා එන්නත් අරන් #COVID19SL සටන් කළා.දැන් අපි එකට සිට මෙම ආර්ථික අර්බුදයට එක්ව සටන් කරන්න.#WeAreWithGota     
— කෙහෙළිය රඹුක්වැල්ල (@Keheliya_R) 2022 මාර්තු 14