ඉම්රාන් හෝ ඔහුගේ ආධාරකරුවන් කිසිවකු ඡන්දය ප්‍රකාශ කිරීමට සහභාගී නොවීය. මුළු මන්ත්‍රීවරුන් 342ක් සමඟ සභාවේ ඡන්දය විමසන අවස්ථාවේදී මන්ත්‍රීවරු 174 දෙනෙක් පැමිණ සිටියහ. සියල්ලන්ම ඉම්රාන්ට විරුද්ධව ඡන්දය දුන් බව වාර්තා විය. ඉම්රාන්ට විරුද්ධ පිල 167 ට වැඩිවූ නිසා පරාජය අත්කරගත්තේය.
මේ අනුව පකිස්තානයේ විපක්ෂ නායක ෂාබාස් ෂරීෆ්ගේ නායකත්වයෙන් නව රජයක් පිහිටුවනු ඇත. ඉස්ලාමාබාද්හි හමුදාව යොදවා ඇත. අවසර නොමැතිව රටේ කිසිදු නායකයෙකුට හෝ නිලධාරියෙකුට රට හැර යාමට නොහැකි වනු ඇත. ගුවන් තොටුපල සීරුවෙන් තබා ඇත.
මුලින් ඉම්රාන් උත්සාහ කළේ නියෝජ්‍ය කතානායක ලවා විශ්වාසභංගය ඉවත්කරවා දිගටම බලයේ සිටින්නටයි.ඔහු අනතුරුව ජනපති ලවා පාර්ලිමේන්තුව විසුරෙව්වේය. නමුත් අධිකරණය එම තීරණ ආපස්සට හැරවීය.සෙනසුරාදා රාත්‍රියේ විශ්වාසභංගයට ඡන්දය පවත්වන ලෙස ශ්‍රේෂ්ඨාධිකරණය නියෝග කර තිබුණි.
ශ්‍රේෂ්ඨාධිකරණය කථානායකවරයාට සහ නියෝජ්‍ය කථානායකවරයාට නියෝග කර තිබුණේ විශ්වාසභංගයට ඡන්දය භාවිත කළ යුතු බවයි. ඉම්රාන්ගේ උපායට අනුව දෙදෙනාම ඉල්ලා අස්වෙමින් එම නියෝගය අත්හරින්නට උත්සුක විය. නමුත් නව කතානකායකවරයෙකු පත් කර ඡන්ද විමසීම සිදු විය.ආණ්ඩුක්‍රම ව්‍යවස්ථාව අනුව විශේෂඥ වෛද්‍ය නසීම් අක්තාර් පැවසුවේ - කයිසර් සහ කාසිම් ඉල්ලා අස්වෙන්නට ඇති නමුත් ශ්‍රේෂ්ඨාධිකරණය නිසැකවම ඔවුන්ට දඬුවම් කරන බවයි. ඔහු අධිකරණයට අපහාස කිරීමේ නඩුවකට මුහුණ දෙනු ඇත. 6 වැනි වගන්තිය යටතේ මාස 6ක් හිරේ යනු ඇත.
දේශපාලන බල පෙරළියෙන් පසු ඉරිදා විපක්ෂ පක්ෂ සභාග PDM (Pakistan Democratic Front) රැස්වීමක් පැවැත්වෙනු ඇත. ප්‍රධාන පක්ෂ තුනක් එහිදී එක්වේ. නවාස් ෂරීෆ්ගේ පකිස්ථාන මුස්ලිම් ලීගය (පීඑම්එල්-එන්), අසීෆ් අලි සර්දාරිගේ පකිස්ථාන මහජන පක්ෂය (පීපීපී) සහ මවුලාන් ෆසාල්-උර්-රෙහ්මාන්ගේ ජමියාතේ උලමා ඉස්ලාම් (ජූඅයි). ඔවුන් අතරින් ෂාබාස් ෂරීෆ් අගමැති වීමට නියමිතයි. බිලාවල් භූතෝට නියෝජ්‍ය අගමැති වීමට ඉඩ පවතින බව පකිස්තානු මාධ්‍ය වාර්තාකර තිබේ. මවුලානා කයිබර් පක්තුන්ක්වා ප්‍රාන්තයේ ප්‍රධානියා විය හැකිය. හැකි ඉක්මනින් මැතිවරණ පැවැත්වීමට නව රජය කැමත්ත පළ කර තිබේ. සමහරවිට මාස තුනක් ඇතුළත එය සිදුවනු ඇත. විපක්ෂ සන්ධානය එක්ව මැතිවරණයට සටන් කරයිද එසේත් නැතිනම් කැඩී බිඳී යයිද යන්න දැන් කුතුහලය දනවන කරුණක් බව පකිස්තාන මාධ්‍ය වාර්තා කර ිතබේ.
අවසානයේ ඉම්රාන්ට කුමක් සිදුවේද යන්න විශාල ප්‍රශ්නයකි. විරෝධතා නොවන සහතිකය (NOC) ලබා නොගෙන සියලුම නායකයින්ට සහ නිලධාරීන්ට රට හැර යාම තහනම් කර ඇත.
ඉම්රාන්ට උවමනාවුවත් රට යන්නට බැරිය. කෙසේ වෙතත්, ඔහුගේ මැති ඇමතිවරුන් සහ නිලධාරීන් රැසක් මේ වන විටත් රට හැර ගොස් ඇත. සෑම දෙයක්ම ඉම්රාන්ගෙන් උදුරා ගන්නා බව මරියම් නවාස් පැහැදිලි කර ඇත. විපක්ෂ නායක ක්වාජා අසීෆ් පැවසුවේ - ඉම්රාන්ට හිරේ ඉඳලා පුරුදු නැහැ. අපි පුරුදු කරවනවා. මම ඔවුන් ගැන දැන් සිට කනස්සල්ලට පත්ව සිටිමි. යනුවෙනි.
0 Comments