ලෝක කුසලානය දිනූ ක්‍රිකට් ක්‍රීඩකයෝ ද කැළඹුණු රට වෙනුවෙන් උද්ඝෝෂණ කරන අයට සහය පළ කරමින් පාරට බසිති. හිටපු ක්‍රිකට් ක්‍රීඩක ධම්මික ප්‍රසාද් පැය 24ක උපවාසයක නිරත වූ ගෝටාගෝගම විරෝධතාකරුවන් අතරට පැමිණි හිටපු ක්‍රිකට් ක්‍රීඩක සනත් ජයසූරියද ඔහුට සහය පළ කළේය.
ඉන්දීය මාධ්‍ය සමඟ පැවැත්වූ සාකච්ඡාවේදී සනත් ජයසූරිය මෙසේ අදහස් පළ කළේය.ප්‍රශ්නය: ශ්‍රී ලංකාව දුෂ්කර ආර්ථික අවධියක් පසුකරමින් සිටිනවා. වත්මන් තත්ත්වය ඔබ දකින්නේ කොහොමද?
පිළිතුර: අවාසනාවකට තත්ත්වය එතරම් හොඳ නැහැ. අපි ශ්‍රී ලංකාවේ ඉතා නරක අවධියක් පසු කරමින් සිටිමු. මේ වගේ මිනිස්සු එකතු වෙනවා මම මීට කලින් දැකලා නැහැ. මෙම උද්ඝෝෂණය අවිහිංසාවාදී ය. මෙය ලෝකයටම ඉතා හොඳ ආදර්ශයකි. මිනිසුන්ට වෙනසක් අවශ්‍යයි, ඒ නිසා සියලු දෙනාම එකමුතුවෙන් මෙතනට එනවා. ජනතාවට අවශ්‍ය වන්නේ බලයේ සිටින අය ඔවුන්ට ඇහුම්කන් දීමයි. ඔවුන් රඟපාන නිසාය.
ප්‍රශ්නය - ශ්‍රී ලංකා ක්‍රිකට් කණ්ඩායම ගැන පුවත් මැවී තිබෙනවා. දැන් මේ උද්ඝෝෂණයට ක්‍රිකට් ක්‍රීඩකයෝත් ඇවිත්. මෙය විරෝධතාවට කෙසේ බලපෑම් කරයිද?
පිළිතුර: - මේ විරෝධතාවට ක්‍රිකට් ක්‍රීඩකයන් විතරක් නෙවෙයි ක්‍රීඩා ලෝකයේ සියලුම දෙනා ඉදිරිපත් වෙලා ආණ්ඩුවට සම්බන්ධ අයට ඒ පණිවිඩය දෙන්න උත්සාහ කරනවා. මම හිතන්නේ ඔවුන් මේ අයට ඇහුම්කන් දිය යුතුයි. මෙම තත්වය සමඟ කටයුතු කිරීමට හොඳම ක්‍රමය මෙයයි.
ප්‍රශ්නය:- මහජනතාව ඉල්ලා සිටින්නේ ජනාධිපතිවරයාට ඉල්ලා අස්වන ලෙසයි, ඔහු ඉල්ලා අස්නොවන්නේ නම් ඊළඟට කුමක් සිදුවේද?
පිළිතුර:- ඉල්ලා අස් නොවුණොත් ඒක එතුමාගේ තීරණයක්. මිනිස්සු උද්ඝෝෂණ කරනවා, ආණ්ඩුවට මොනවා හරි කියනවා. විසඳුම ඔවුන්ට සවන් දීමයි.
ප්‍රශ්නය: ඔබ සියලු දෙනාම ප්‍රසිද්ධ ජාත්‍යන්තර ක්‍රිකට් ක්‍රීඩකයන්. ඔබ විරෝධතාවයට එක්වීම ශ්‍රී ලංකාවේ ගෝලීය ප්‍රතිරූපයට ද බලපෑ හැකිය. මේ ගැන ඔබ කියන්නේ කුමක්ද?
පිළිතුර: අපි හැමෝම ජාත්‍යන්තර ක්‍රිකට් ක්‍රීඩකයෝ. නමුත් අපි උද්ඝෝෂණයට එකතු වෙන්නේ ආණ්ඩුව අපිට ඇහුම්කන් නොදෙන නිසායි. රජය ජනතාවට ඇහුම්කන් දිය යුතු බව මම මීට පෙරත් කීවා.
0 Comments