At-the-end-of-the-third-day-Sri-Lanka-was-83-behind-Bangladesh

බංග්ලාදේශයේ ෂෙරි බංගලා ජාතිකක්‍රීඩාංගනයේ පැවැත්වෙන සංචාරක ශ්‍රී ලංකා පිල හා බංග්ලාදේශය අතර දෙවන ටෙස්ට් ක්‍රිකට් තරගයේ 3 වන දිනය අද නිමාවිය.




ඒ වනවිට ශ්‍රී ලංකාව බංගලිදේශය මුල් ඉනිමේ රැස් කළ ලකුණු ප්‍රමාණයට වඩා 83 ක් පසුපසින් පසුවූ අතර කඩුළු 5 ක් දැවී 282 ක් රැස් කර තිබුණි. ඇන්ජලෝ මැතිව්ස්58 ක් හා දන්දිමාල් 10ක් ලබා නොදැවී ක්‍රිඩා කරමින් සිටී. ශ්‍රී ලංකා ඉනිම වෙනුවෙන් දිමුත් 80 ක් ධනංජය ද සිල්වා 58 ක් හා ඕෂධ ප්‍රනාන්දු 57 ක් ලබා තිබුණි. පන්දු යැවීමේදී ෂකීබ් කඩුළු 3 ක් හා එබඩොට් හුසේන් කඩුලු 2 ක් දවාගන්නා ලදි.

බංගලිදේශයේ පළමු ඉනිමේදී 365 ක් ලබාගත් අතර සාර්ථක වූයේ ක්‍රීඩකයින් තිදෙනෙකු පමණි. මුෂිකර් රහීම් 175 ක් නොදැවී ලබාගැනීම විශේෂිත විය. ලටන් ඩාස් 141ක් ලබාගත් අතර ටයිජුල් ඉස්ලාම් 15 කි. අනෙක් සියලු ක්‍රීඩකයින් ලකුණු 10 ට අඩුවෙන් ලබා දැවී ගිය අයයි. කසුන් රාජිත කඩුළු 5 ක් හා අසිත ප්‍රනාන්දු කඩුලු 4 ක් ලබාගෙන තිබුණි.