පවතින ආර්ථික අර්බුදයට ප්‍රතිචාර වශයෙන් ශ්‍රී ලංකා රජයට උපකාර කිරීම සඳහා ජපාන රජය අද ඇමරිකානු ඩොලර් මිලියන 1.5 ක (රුපියල් මිලියන 600) අරමුදල් ලබාදෙන බව ප්‍රකාශයට පත් කළේය. මෙම අරමුදල් එක්සත් ජාතීන්ගේ ලෝක ආහාර වැඩසටහන (WFP) හරහා ආධාර අවශ්‍ය දරුවන් සහ පවුල් සඳහා ආහාර ආධාර සැපයීම සඳහා භාවිතා කරනු ඇත.
අද (20) WFP සහ ජපාන රජය විසින් ඒකාබද්ධ මාධ්‍ය නිවේදනයක් මගින් මේ බව නිවේදනය කරන ලදී.
ජපානයේ ශ්‍රී ලංකාවට ආධාර වැඩසටහන සම්බන්ධීකරණය කරන කට්සුකි කොටාරෝ මහතා මෙසේ අදහස් දක්වා ඇත.
“ජපාන රජය ඇමරිකානු ඩොලර් මිලියන 1.5 ක හදිසි ආධාර ප්‍රදානය කරන බව අපි සතුටින් ප්‍රකාශ කරමු.
WFP හරහා දළ වශයෙන් 15,000ක් පමණ නාගරික සහ ග්‍රාමීය ජනතාව සහ දිවයින පුරා සිටින පාසල් සිසුන් 380,000ක් සඳහා සහල්, පරිප්පු ඇතුළු මාස තුනක අත්‍යවශ්‍ය ආහාර සැපයුම් ලබා දීමට අපේක්ෂා කරයි.
ජපානය පසුගිය වසර 10 තුළ පාසල් ආහාර වැඩසටහනක් ලෙස ඩොලර් මිලියන 10 ක් වටිනා ජපානයේ නිෂ්පාදිත ටින් මාළු සැපයීම හරහා දරුවන්ට අත්‍යවශ්‍ය ප්‍රෝටීන් ලබා දෙමින් සිටී. ආර්ථික අර්බුද මධ්‍යයේ ශ්‍රී ලංකාවේ ජනතාවට ආහාර ප්‍රවේශය සහ පෝෂණය වැඩිදියුණු කිරීමට මෙම මානුෂීය ආධාර උපකාර වනු ඇතැයි අපි බලාපොරොත්තු වෙමු,”
0 Comments