ඊයේ අලුයම ආනමඩුව - නවගත්තේගම ප්‍රධාන මාර්ගයේ 5 කනුව මංසන්ධියේ දී බස් රථයක් හා යතුරු පැදියක් ගැටී සිදුවූ අනතුරෙන් සංගීත ප්‍රසංග නිවේදන ශිල්පියෙකු වන අජිත් නවගත්තේගම ජීවිතක්ෂයට පත් විය.
H8 ගම්මානය,මැරුංගොඩ, මහඋස්වැව ලිපිනයේ පදිංචිව සිටි අජිත් ශ්‍රී ලංකාවේ ජනප්‍රිය සංගීත කන්ඩායම් පවත්වන එලිමහන් ප්‍රසංගවල ප්‍රධාන ඉදිරිපත් කිරීම් කළ අයෙකු විය. ඔහුගේ හඬ එම ප්‍රසංගයන්හි ජවය පවත්වායාමට නැතිවම බැරි විය.
ආනමඩුව සිට නවගත්තේගම දෙසට පැමිණි අංක WP-BAG-0658 දරන යතුරුපැදියෙන් ගමන් ගත් අජිත් නවගත්තේගම අතුරු මාර්ගයේ සිට ප්‍රධාන මාර්ගයට අවතීර්ණ වීමේදී පුද්ගලික ඇඟලුම් ආයතනයක සේවකයන් ප්‍රවාහනය කරනු ලබන බස් රථයක ගැටී බරපතල තුවාල ලැබූ පසු ඔහුව ආනමඩුව මහ රෝහලට ඇතුළත් කරනවිටත් මිය ගොස් සිටි බව පැවැසේ.
0 Comments