බදු වැඩි කිරීමෙන් පසු ජංගම දුරකථන හා එම ගාස්තු අහස උසට

රජය විසින් පනවා ඇති ආනයන සීමා කිරීම් හේතුවෙන් ශ්‍රී ලංකා ස්මාර්ට්ෆෝන් වෙළඳපොල හැකිලී  ගොස් තිබේ.
රජය බදු වැඩි කළ නිසා ජංගම දුරකථන වෙළෙන්දන් සහ ව්‍යාපාරිකයින් පවසන්නේ ස්මාර්ට් ජංගම දුරකථනවල මිල අවම වශයෙන් රුපියල් 80,000ක් වී ඇති බවයි.

ආනයනික භාණ්ඩ රැසකට මුදල් අමාත්‍යාංශය 1 වනදා අධිභාර බද්දක් පැනවීය. එපමණක් නොව, රජයේ ආදායම ඉහළ නැංවීමේ පියවරක් ලෙස එකතු කළ අගය මත බදු ද 4% කින් වැඩි කර ඇත.
මෙසේ බදු වැඩි කිරීම අවසානයේ මිල ඉහළ යාමට හේතු වේ.ඇමතුම්  පණිවිඩ ලබාදීමට ඔන්ලයින් පන්ති, මාර්ගගත සාප්පු සහ ඊ-ගෙවීම් වැනි එදිනෙදා ක්‍රියාකාරකම් සඳහා අතශ්‍යවශ්‍ය වී ඇති සේවාවන්හි මිල ඉහළයාම ජනතාවට තදින් දැනේ.
 වෙළඳුන් පවසන්නේ සාමාන්‍ය ස්මාට් ජංගම දුරකථන දැන් රු. 55,000 ක් හෝ රු. 60,000 ක් වන අතර, නුදුරු අනාගතයේ දී දුරකථනයක මිල රු. 80,000 හෝ රු. 90,000 කි.
මිල ගණන් ගැන දැනුම් දෙන විට පාරිභෝගිකයන් මිලදී නොගැනීමට නැඹුරු වන බවද වෙළෙන්දෝ පැවසූහ

රජය විදුලි සංදේශ බද්ද ද 11.25% සිට 15% දක්වා වැඩි කර ඇත. දුරකථන ඇමතුම් ගාස්තු ඉහළ ගොස් තිබේ.ඊට අමතරව සියයට 8 ක්ව පැවැති වැට් බද්ද, සියයට 12 ක් දක්වා වැඩි කිරීම හේතුවෙන් දුරකථන බිල්පත් ගාස්තු ද වැඩිවනු ඇත.
වැට් බද්ද සියයට 4 කින් වැඩිවීම අනුව දුරකථන සේවා ආයතන මගින් ලබාදෙන අන්තර්ජාල සේවා ගාස්තු ද ඉහළ නංවා ඇත. මීට අමතරව ජංගම දුරකථන මාසික පැකේජ ගාස්තු සහ චන්ද්‍රිකා රූපවාහිනී පැකේජ ගාස්තු ද ඉහළ දමා ඇත.