ඕස්ට්‍රෙලියාව පරදා දෙවැනි එක්දින තරගයේ ජය ශ්‍රී ලංකාවට

සංචාරක ඔස්ට්‍රේලියානු කණ්ඩායම සමග පැවති දෙවන එක්දින ක්‍රිකට් තරගය ලකුණු 26 කින් ජය ගැනීමට අද ශ්‍රී ලංකා කණ්ඩායම සමත් විය.

මෙම තරගයේ මුලින්ම පන්දුවට පහරදුන් ශ්‍රී ලංකා පිල පන්දුවාර 47යි පන්දු 4කදි කඩුළු 9ක් දැවී ලකුණු 220ක් රැස්කර ගැනීමට සමත් විය.
එම අවස්ථාවේදී පල්ලේකැලේ ජාත්‍යන්තර ක්‍රීඩාංගණයට ඇදහැලුනු අධික වර්ෂාවත් සමග තරගය නතර කිරීමට තීරණය කෙරිණි.

වර්ෂාවෙන් අනතුරුව තරගය ආරම්භ කිරීමට තීරණය කළ අවස්ථාවේ තරගය පන්දුවාර 43කට සීමා කිරීමට තීරණය කෙරිණි.
ඒ අනුව පිටියට පැමිණි ඔස්ට්‍රේලියානු පිල පන්දුවාර 37යි එක් පන්දුවකදී සියලුදෙනා දැවී රැස්කර ගත හැකි වූයේ ලකුණු 189 ක් පමණි.
පන්දු යැවීමේදී ශ්‍රී ලංකා පිල වෙනුවෙන් චාමික කරුණාරත්න කඩුළු 3ක් දවා ගැනීමට සමත් විය.
තරගයේ වීරයා සම්මානය කඩුළු 3ක් දවා ගත් චාමික කරුණාරත්නට හිමිවිය.