පරණ වලියක දෙන්නෙක් ඉන්ධන පෝලිමේදී හමුවී පිහි පහරින් තුනක් රෝහලට

නිට්ටඹුව කළගෙඩිහේන ඉන්ධන පිරවුම් හල ආසන්න පෝලිමේ ඇතිවූ ආරවුලක් නිසා තිදෙනෙකු තුවාල ලබා ඇතැයි වාර්තාවේ.

ඇතිවූ කථාබහක් දුර දිග ගොස් පෝලිමේ සිටි තිදෙනකු තියුණු ආයුධ ප්‍රහාරයකින් තුවාල ලබා රෝහල් ගත කොට ඇති බව නිට්ටඹුව පොලීසිය.

එම ඉන්ධන පෝලිමේ සිටි පිරිසක් කිසියම් පැරණි කෝන්තරයක් මූලික කර ගෙන බහින්බස්වී ඇති අතර අද අලුයම 03 ට පමණ බහින් බස් වීම අවසානයේ පිහිවලින් ඇන ගැනීම හේතුවෙන් තුවාල ලබා රෝහල් ගත කොට ඇති බව මූලික පරීක්ෂණ වලදී හෙළි වී ඇති බවද පොලීසිය කීය.

මොවුන් ගෙන් එක් පුද්ගලයෙකු වතුපිටිවල මූලික රෝහලටත් තවත් පුද්ගලයෙකු ගම්පහ රෝහලටත් අනෙක් පුද්ගලයා පෞද්ගලික රෝහලකටත් ඇතුලත් කොට ඇති බවත් පෞද්ගලික රෝහලට ඇතුළත් වී සිටි පුද්ගලයා තුවාලවලට ප්‍රතිකාර ලබා ගෙන පිටව ගොස් ඇති බව පරීක්ෂණ වලදී හෙළි වී ඇති බවද පොලීසිය කියා සිටියේය.

රෝහල් ගතව සිටින පුද්ගලයන් දෙදෙනාට ද බරපතල තත්වයක් නොමැති බවද පොලීසිය කීය.