ජනතා අරගලයකින් පසු ශ්‍රී ලංකාවේ ජනපති හා අගමැති ඉවත්වීමට එකඟවීම හෝ එම සූදානම ගැන ජාත්‍යන්තර මාධ්‍ය තුළ මේවනවිට විශාල කථාබහක් ඇතිව තිබේ. සෙනසුරාදා මෙන්ම ඉරිදා ජාත්‍යන්තර මාධ්‍යවල පළමු මාතෘකාව වූයේද ශ්‍රී ලංකාවයි.
මින් ඉහත තලේබාන් කණ්ඩායම් ඇෆ්ගනිස්ථාන ජනපති මැදුර අල්ලාගත් පසු පළවූ ආකර්ෂණීය ඡායාරූප වලට නරඹන්නන්ගේ ඇස් යොමුවූ ආනකාරයට ලංකාවේ ජනඅරගල කණ්ඩායම් ජනපති මැදුරේ සිට ලබාගත් ඡායාරූප වීඩියෝ ජාත්‍යන්තර මාධ්‍ය තුළ හුවමාරු විය.
නිදන කාමරෙන් හමුවූ ‘ජනපතිගේ යට ඇඳුම්‘ සම්බන්ධ වීඩියෝව අල්ජසීරා හෙඩ්ලයින් මගින්ද පෙන්වා තිබුණි. එසේම පිහිනුම් තටාකයේ සබන් ගාගෙන නාන අය සිටින හැටි, ජනපති ඇඳේ රෙස්ලිං නටන අය මෙන්ම පිරිස මන්දිරයේ තැන් තැන්වල විනෝදවන අයුරු අපූර්ව දර්ශන ලෙස එහිදී ප්‍රචාරය විය.
මෙම ප්‍රවෘත්ති සමග ජාත්‍යන්තර රොයිටර් පුවත් සේවය ඉරිදා වනවිට ලංකාවේ ආර්ථික ප්‍රශ්නය සම්බන්ධයෙන් දැන් ඇතිව තිබෙන අලුත්ම තත්වයද විග්‍රහ කර තිබුණි.
ශ්‍රී ලංකාවේ අලුත් ව්‍යාකූලත්වය ජාත්‍යන්තර මූල්‍ය අරමුදලේ ප්‍රධානියාගෙන් දැඩි අවධානයට ලක්ව ඇති අතර ගෝලීය ණය සම්බන්ධයෙන් G20 ජාතීන්ට ඔහු අනතුරු ඇඟවීමක් කර ඇත. “මෙය අපට සෑහීමකට පත් විය නොහැකි මාතෘකාවකි. විශ්වාසය බිඳ වැටුණහොත් එය අවසන් වන්නේ කොතැනින්දැයි ඔබ නොදනී. G20 නායකයින්ට එම ප්‍රශ්නය ඇති වීමට අවශ්‍ය නැත. අපිට මෙහිදී ප්‍රගතියක් නොපෙන්වන නිසා සංවාදය තවදුරටත් පවතී, ” අයිඑම්එෆ් කළමනාකාර අධ්‍යක්ෂ ක්‍රිස්ටලිනා ජෝර්ජිවා සඳහන් කර ඇත.
ශ්‍රී ලංකාව ඩොලර් බිලියන 50කට අධික ණය ප්‍රමාණයක් ඇති බවත් මෙයින්, 2027 වන විට ඩොලර් බිලියන 28 ක් ගෙවිය යුතු බවත් ඔවුන් මතක් කර දී තිබේ. රජය ජනතාවට ඉන්ධන සහ අනෙකුත් අත්‍යවශ්‍ය ද්‍රව්‍ය සැපයීම සහතික කිරීමට තවමත් අරගල කරමින් සිටී.
එක්සත් ජනපද රාජ්‍ය ලේකම් ඇන්ටනි බ්ලින්කන් පවසා ඇත්තේ, විසඳුම් ක්‍රියාවට නැංවීමට සහ ජනතාවගේ අතෘප්තියට විසඳුම් සෙවීමට කඩිනමින් කටයුතු කරන ලෙස පාර්ලිමේන්තුවෙන් ඉල්ලා සිටි බැවින්, ශ්‍රී ලංකාවේ සිදුවන වර්ධනයන් එක්සත් ජනපදය නිරීක්ෂණය කරමින් සිටින බවයි.
මේ අතර ඉන්දියාව අභියෝග මධ්‍යයේ ලංකාවට නිරතුරුව සහාය දෙමින් සිටී.
ඉරිදා විදේශ අමාත්‍ය එස් ජයශංකර් පැවසුවේ ඉන්දියාව මේ වන විට ඩොලර් බිලියන 3.8 ක් කැප කර ඇති බවත් "ප්‍රජාතන්ත්‍රවාදී මාධ්‍යයන් සහ සාරධර්ම, ස්ථාපිත ආයතන සහ ව්‍යවස්ථාමය රාමුව හරහා සමෘද්ධිය සහ ප්‍රගතිය සඳහා වූ ඔවුන්ගේ අභිලාෂයන් සාක්ෂාත් කර ගැනීමට උත්සාහ කරන“ ශ්‍රී ලංකාවේ ජනතාව සමඟ ඉන්දියාව පෙනී සිටින බවයි.
අතිගරු ෆ්‍රැන්සිස් පාප් වහන්සේද කඩිනම් විසඳුමක් ඉල්ලා ඇත. “දේශපාලන හා ආර්ථික අස්ථාවරත්වයේ ප්‍රතිවිපාක අඛණ්ඩව විඳිමින් සිටින ශ්‍රී ලංකාවේ ජනතාවගේ වේදනාවට මම එක්සත්ව සිටිමි,” පාප් වහන්සේ පැවසූහ. "රටේ රදගුරුවරුන් සමඟ එක්ව, මම සාමය සඳහා වන මගේ ආයාචනය අලුත් කරන අතර, දුප්පතුන්ගේ මොරගැසීම් සහ ජනතාවගේ අවශ්‍යතා නොසලකා නොහරින ලෙස මම බලය ඇති අයගෙන් ඉල්ලා සිටිමි."නිවේදනයේ වැඩිදුර දැක්වේ.
0 Comments