18 වැනි ලෝක ශූරතා මළල ක්‍රීඩා තරගාවලිය මේ වනවිට ඇමරිකාවේ ඔරිගන්හිදී ඇරම්භවී තිබෙන අතර මීටර් 100 තරග ඉසව්ව නියෝජනය කරමින් ඊට එක් වූ ශ්‍රී ලංකාවේ ධාවන ශූර යුපුන් අබේකෝන් හඑ එහි මූලික වටයෙන් ඉවත්වීමට සිදුවිය.
යුපුන්ට එම තරගයේ දී 05 වැනි ස්ථානය හිමිවූ අතර මීටර 100 තරගය නිම කිරීමට ගත වූ කාලය තත්පර 10.19 කි.අවසන් පූර්ව වටය අහිමි වූයේ තත්පර 0.04කිනි.
මින් ඉහත ස්විට්සර්ලන්තයේදී තත්පර 9.96 කින් තරගය නිමකළ යුපුන් මෙහිදී පසුබැස තිබේ.
යුපුන් අබේකෝන් විසින් සිය තරග ප්‍රතිඵලය සම්බන්ධයෙන් මුහුණුපොතෙහි සටහනක් තබා සඳහන් කර ඇත්තේ,
තමන් ජයග්‍රහණය පිළිබඳ බලාපොරොත්තුවෙන් සිටි බවත්, එහෙත් කාර්යබහුලත්වය සහ විවිධ ගැටලු හේතුවෙන් එය අහිමි වූ බවයි.
විශේෂ පුහුණු අධ්‍යයනයක් සිදු කර රිලේ තරගයේදී කණ්ඩායම සමග එක්ව ක්‍රියා කිරීමට තමන් සූදානම් බව ද සියලුදෙනාටම හදපිරි ගෞරවය සහ ස්තුතිය පුදකරන බවද යුපුන් අබේකෝන් ප්‍රකාශ කර තිබේ.
0 Comments