දහස් ගණන් විරෝධතාකරුවන් කොළඹ ජනාධිපති මන්දිරයට කඩා වැදී පෙර නොවූ විරූ ශ්‍රී ලංකාවේ දේශපාලන කැලඹීමෙන් මාස දෙකකට පසු, ඉරාකයේ බැග්ඩෑඩ් නගරයේ ද එවැනිම දර්ශන දැකගත හැකි විය.
ඉරාකයේ බලගතු ෂියා මුස්ලිම් පූජක මොක්තාඩා අල්-සදර් විසින් දේශපාලනයෙන් ඉවත් වන ලෙස නිවේදනය කිරීමෙන් පසුව, ඔහුගේ ආධාරකරුවන් විරෝධතාවයෙන් වීදි බැස ප්‍රතිවාදී පිටුබලය ලත් කණ්ඩායම් සහ ඔහුගේ හිතවත් පිරිස් අතර ගැටුම් ඇති විය.
AFP ප්‍රවෘත්ති ඒජන්සියට අනුව, බැග්ඩෑඩ් හි ඇති වූ ගැටුම්වලින් විරෝධතාකරුවන් අට දෙනෙකුට නොඅඩු සංඛ්‍යාවක් මිය ගොස් ඇති අතර කෝපයට පත් පිරිසක් විසුරුවා හැරීමට ආරක්ෂක හමුදා කඳුළු ගෑස් ප්‍රහාර එල්ල කළහ.
පුළුල් ලෙස බෙදා හරින වීඩියෝවල,
විරෝධතාකරුවන් ජනාධිපති මන්දිරයට කඩා වැදී සිටිනු දැකිය හැකිය, එය ජනාධිපති ගෝඨාභය රාජපක්ෂ මහතා ධුරයෙන් නෙරපා හැරීම සහ දිවයිනෙන් පිටවීමත් සමඟ ශ්‍රී ලංකාවේ දර්ශනවලට සමාන ය.
ඉරාකය දේශපාලන අර්බුදයක් අත්විඳින මොහොතක, සදර්ගේ ආධාරකරුවන් හෝ ඔහුගේ ප්‍රතිවාදීන්ගේ ආධාරකරුවන් ජනාධිපතිවරයාගේ නිවසේ සුඛෝපභෝගී භාණ්ඩ ලබා ගන්නා ආකාරය දැකගත හැකි විය.
සදර්ගේ ආධාරකරුවන් සහ ටෙහෙරානයේ පිටුබලය ලත් ඒකක එකිනෙකාට ගල් ප්‍රහාර එල්ල කරද්දී තුවක්කු සහ ආයුධවලින් වෙඩි තැබූ බව වාර්තා පෙන්වා දෙයි. මෙම සිදුවීම සිදුව ඇත්තේ අමාත්‍යාංශ සහ තානාපති කාර්යාල පිහිටි ප්‍රදේශයක් වන බැග්ඩෑඩ් හි හරිත කලාපයේ ය. ඉරාක හමුදාව සවස 3:30 ට ඇඳිරි නීතිය පැනවූ අතර කලාපයෙන් ඉවත් වන ලෙස විරෝධතාකරුවන්ගෙන් ඉල්ලා සිටියේය.
0 Comments