නවගමුව පොලිසියේ සුළු පැමිණිලි අංශය අද පෙරවරුවේ පුද්ගලයකුගෙන් පැමිණිල්ලක් සම්බන්ධයෙන් සාක්ෂි සටහන් කර ගනිමින් සිටියදී එහි පැමිණි අයකු එල්ල කළ පිහි පහරකින් සාක්ෂිකරු මරණයට පත්වී ඇත.
අද පෙරවරු 10.00ට පමණ සිදුවූ මෙම පිහි ඇනුමින් මරණයට පත්වී ඇත්තේ එලවත්ත පාර, දුනුකේ දෙනිය ,කරවනැල්ල පදිංචි ජයන්ත කුමාරසිරි පෙරේරා නැමති අයෙකි.
නවගමුව රනාල ප්‍රදේශයේ පදිංචි කාන්තාවක මියගිය පුද්ගලයා ගැන පැමිණිල්ල සිදුකරමින්
තමාට හිරි හැර කරන බව පවසා තිබූ අතර මොහු පොලිසියට පැමිණ පොලිස් නිලධාරියෙකු ඉදිරියේ වාඩිවී කට උත්තර දෙමින් සිටියදී පිටුපසින් පැමිණි පුද්ගලයෙකු ඔහුගේ ගෙල පෙදෙසට පිහියෙන් ඇන තිබේ.පිහිය ගෙලේ පවතිද්දීම ඔහු නවගමුව රෝහලට ඇතුළත් කළද ඒ වන විටත් ඔහු මියගොස් තිබිණි.
පිහි ඇනුම සිදුකළ පුද්ගලයා පොලිසිය විසින් අත් අඩංගුවට ගෙන ඇත. මෙම ඝාතනය අනියම් පෙම් සබඳතාවක් මුල් කරගෙන සිදුවී ඇති බවට මූලික පරීක්ෂණ යෙන් හෙළිවී තිබේ.
සැකකරු සම්බන්ධ පරීක්ෂණ ක්‍රියාත්මකය.
0 Comments