තරගය දිනන්න මොහොතකට පෙර ඇෆ්ගන් සමග පකිස්තානු වලිය

ඊයේ ආසියානු කුසලාන විස්සයි20 සුපිරි 4 වටයේ තරගයකින් ඇෆ්ගනිස්ථානය පරදා පකිස්තානය ජයගත්තේ පරාජයේ අවදානමක් මතුව තිබූ අවස්ථාවකය.
අවසන් පන්දු වාරය වනවිට කඩුළු 9 ක් දැවී පන්දු 6 කින් ලකුනු 11 ක් ලබාගැනීමේ අභියෝගයක් තිබුණ නමුත් පළමු පන්දු දෙකටම හයේ පහර එල්ලකළ නසීම් ෂා ජයග්‍රහණය පකිස්තානයට ලබාදුණි.

මෙම ඕවරයට පෙර ඕවරයේ පකිස්තානය අවදානම් සහගත කඩුළු වැටීම් වලට ලක්වෙද්දී ඇෆ්ගනිස්ථාන ක්‍රීඩකයන් සමග පිටිය මැද ආරවුලක් මතුවිය.
මෙම නොසන්සුන්කාරී අවස්ථාව 19 වැනි ඕවරයේ 5 වැනි පන්දුවේදී  වාර්තා විය.
කරීම් ජනත්ගේ පන්දුවක් හමුවේ ෆරීඩ් අහමඩ්,  අසීෆ් අලී අතට උඩපන්දුවක් ලබා දුන්නේය. මෙය සිදු වූයේ  හයේ පහරක් එල්ල කිරීමෙන් පසුව වන අතර එහි ප්‍රතිඵලයක් ලෙස පන්දු යවන්නා දැවීගිය ක්‍රීඩකයාට උපහාසයට සරදම් කළේය.
ෆරීඩ්ට පහර දීමට උත්සාහ කළ අසීෆ් අලි කෝපයට පත් ව සිටියේය, ටෙස්ට් තරඟයකදී ද ඩෙනිස් ලිලීට පිත්තෙන් පහර දුන් ජාවෙඩ් මියන්ඩාඩ් අනුකරණය කරමින් ෆරීඩ්ට පිත්තෙන් පහර දෙන ආකාරයට තර්ජනය කළේය. විනිසුරුවන්, ඇෆ්ගනිස්ථාන ක්‍රීඩකයින් සහ පාකිස්තාන පිතිකරු ගැටුම වළක්වා ගැනීම සඳහා ඔවුන් දෙදෙනා වෙන් කරන ලද අතර ගැටුම එතැනින් නිම විය.