"කිං චාල්ස් සොසේජස් ෆින්ගර්ස්" යනුවෙන් ලේබල් කරන ලද සොසේජස් පැකේජයක් නවසීලන්තයේ වෙළඳසැල් ඉදිරිපස ප්‍රදර්ශනය කරන ඡායාරූප කිහිපයක් සමාජ මාධ්‍ය තුළ පැතිරී තිබේ.
III චාල්ස් රජුගේ ඉදිමුණු රතු "සොසේජස් ඇඟිලි" වසර ගණනාවක් තිස්සේ මාධ්‍ය තුළ සමච්චලයට ලක් විය.
ඔහුගේ මව වන දෙවන එලිසබෙත් රැජිනගේ අභාවයෙන් පසු රාජකීයයා සිංහාසනයට පත්වීමෙන් පසු අන්තර්ජාලයේ මෙම උපහාසය ඉහළ ගොස් තිබේ.
විලියම් කුමරු ඉපදීමට පෙර මිතුරෙකුට යවන ලද ලිපියක චාල්ස් වරක් ප්‍රසිද්ධියේ තමන්ගේ ඇඟිලි “සොසේජස් ඇඟිලි” ලෙස ඔහු විසින්ම හැඳින්වීම සිත්ගන්නා කරුණකි.මෙම ප්‍රකාශය සමග ඒ ගැන ඒකාලයේ කථා මතුවිය.
මේ සම්බන්ධයෙන් ඩේලි ස්ටාර් පුවත්පත පළ කළ වාර්තාවක චෙස්ටර් විශ්ව විද්‍යාලයේ ජ්‍යෙෂ්ඨ කථිකාචාර්ය වෛද්‍ය ගැරත් නෙයි දැක්වූ අදහසක් උපුටා දක්වා ඇති අතර චාල්ස් රජුගේ මාංසමය ඇඟිලි රජුගේ පවතින සෞඛ්‍ය ගැටලුවක් පෙන්නුම් කරන්නේ යයි පවසා තිබේ.
වෛද්‍යවරයා පැහැදිලි කළේ Oedema යනුවෙන් හැඳින්වෙන රෝග තත්වයක් බවයි. “සිරුරේ පීඩා” ඇඟිලි ඉදිමීමට හේතු විය හැකි බවත්, සමහර පීඩාවන් ශෝථය හෝ තරල රඳවා තබා ගැනීම වැඩි කරවිය හැකි බවයි.
"Oedema යනු ශරීරය අත් පා වල, සාමාන්‍යයෙන් කකුල්වල සහ වළලුකරවල පමණක් නොව, ඇඟිලිවල ද තරල රඳවා තබා ගැනීමට පටන් ගන්නා තත්වයක් වන අතර, එය ඉදිමීමට හේතු වේ", වෛද්‍යවරයා පුවත්පතට පැවසීය. ශෝථය සාමාන්‍ය තත්වයක් වන අතර තරල පාලනය කිරීමේ හැකියාව සීමා කර ඇති බැවින් බොහෝ දුරට වයස අවුරුදු 65 ට වැඩි පුද්ගලයින්ට මෙය බලපාන බවද ඔහු දන්වා තිබේ.
ඉදිමීමට හේතු විය හැකි වෙනත් හේතු අතර ආතරයිටිස්, අධික ලුණු ආහාර සහ වෛද්‍යවරයාට අනුව රුධිර පීඩන පෙති සහ ස්ටෙරොයිඩ් වැනි ඖෂධ ඇතුළත් වේ.
"ඉදිමුණු ඇඟිලි වලින් නිගමනය කළ යුතු ක්ෂණික සෞඛ්‍ය හානි නොමැති අතර බොහෝ විට ඔහුගේ වයසේ සලකුණක් විය හැකිය" යනුවෙන් ඔහු අවධාරණය කළේය.
0 Comments