මැලේසියාවේ හිටපු අගමැති නජීබ් රසාක්ගේ බිරිඳ වන රොස්මා මන්සූර් දූෂණ චෝදනා තුනකට වරදකරු වීමෙන් පසු වසර 10 ක සිර දඬුවමක් නියම කර තිබේ. මෙම තීන්දුව බ්‍රහස්පතින්දා (සැප්තැම්බර් 1) මැලේසියානු මහාධිකරණය විසින් ලබා දී ඇත.
මහාධිකරණයට අනුව, 2016 දී, නජීබ් රසාක්ගේ බිරිඳ රොස්මා මන්සූර් එරට මුදල් ඒකකය වන රිංගිට් මිලියන 194 (ඩොලර් මිලියන 61) ක අල්ලසක් සඳහා විදුලිබල සමාගමක් වන Zapak Holdings සමග ගනුදෙනුවකට සම්බන්ධවී ඇත. සූර්ය බලශක්ති ව්‍යාපෘතියක් ලබා දීමට මෙම අල්ලස ලබාගෙන ඇති අතර එය අධිකරණයේදී ඔප්පුවීමෙන් වරදකාරිය විය.
ජනාධිපති ආර්යාව ලෙස සිටියදී රාජ්‍ය බලය අයුතු ලෙස භාවිත කිරීම සහ සුඛෝපභෝගී ජීවන රටාවක් ගත කිරීම සම්බන්ධයෙන්ද ඇයට චෝදනා එල්ල වී තිබේ.
නඩු තීන්දුවෙන් පසු රොස්මා මන්සූර් කඳුළු සලමින් මාධ්‍යවේදීන් අමතමින් කියා සිටියේ "අද සිදු වූ දේ ගැන මට ඉතා කණගාටුයි" යනුවෙනි. මම සල්ලි ගන්නවා කවුරුත් දැක්කේ නැහැ, මම ගණන් කරනවා දැක්කේ නැහැ. ඇය කීවාය.
කෙසේ වෙතත්, වසර 10 ක සිරදඬුවම ආරම්භ වන්නේ කවදාද යන්න පිළිබඳව අධිකරණය නිශ්චිතව ප්‍රකාශ කළේ නැත. මේ අතර, මුදල් විශුද්ධිකරණය සහ බදු පැහැර හැරීම සම්බන්ධයෙන් ඇයට තව්ත චෝදනා 17 ක් ඇත.
මීට පෙර අගෝස්තු 23 වැනිදා මැලේසියානු හිටපු අගමැති 69 හැවිරිදි නජීබ් රසාක් දූෂණ චෝදනා මත සිරගත කෙරිණි.
0 Comments