අධ්‍යාපන ප්‍රතිසංස්කරණවලට සමගාමීව ලබන වසරේ පළමු ශ්‍රේණියේ සිට සියලුම පාසල්වල ඉංග්‍රීසි මාධ්‍ය හඳුන්වාදීමට අධ්‍යාපන අමාත්‍යාංශය සැලසුම් කර ඇති බව අධ්‍යාපන අමාත්‍ය සුසිල් ප්‍රේමජයන්ත මහතා පවසයි.
‘ඉංග්‍රීසි සරලයි’ යන තේමාව යටතේ එම අමාත්‍යාංශයේදී සංවිධානය කර තිබූ උත්සවයක් අමතමින් අමාත්‍යවරයා කියා සිටියේ ග්‍රාමීය ප්‍රදේශවල දරුවන්ට නව තාක්ෂණය සමඟ නොබියව ලෝකය සමඟ ගමන් කිරීමට උපකාර කිරීම සඳහා මෙම තීරණය ගත් බවයි.
“අධ්‍යාපන ප්‍රතිසංස්කරණ සමඟින්, දියුණු තාක්‍ෂණ ලෝකයේ ඉංග්‍රීසි භාෂා නිපුණතාවය අත්‍යවශ්‍ය වේ,” ඔහු පැවසීය.
හය ශ්‍රේණියේ සිට ඉහළට සිංහල මාධ්‍ය පන්තිවල දී ගණිතය සහ විද්‍යා විෂයයන් ඉංග්‍රීසි මාධ්‍යයෙන් ඉගැන්වීමට යෝජනා කර ඇති බව ද අමාත්‍යවරයා පැවසීය. දෙමළ මාධ්‍යයෙන් ඉගෙනුම ලබන සිසුන්ට ද මෙම ක්‍රමය අදාළ වන බව ද අමාත්‍යවරයා පැවසීය.
0 Comments