මෑතක පත්වූ බ්‍රිතාන්‍ය අගමැතිනි ලිස් ට්රස්, කොන්සර්වේටිව් පක්ෂයේ නායකත්වයෙන් ඉවත් වන බව අද නිල නිවේදයක් කරමින් ප්‍රකාශ කළාය. ඒ සමග ඇය එරට අගමැති ධූරයෙන්ද ඉවත්වේ. ඇය පත්වී සති හයකට පසුව, ඇගේ ප‍්‍රතිපත්ති ආර්ථික කැළඹීමකට තුඩු දීම සහ පක්ෂය තියුනු ලෙස බෙදීමෙන් පසුව මෙම තීරණය මතුවිය.
බ්‍රහස්පතින්දා ඩව්නිං ස්ටීට් කාර්යාලයෙන් පිටතදී අදහස් දක්වමින් ට්රස්, කොන්සර්වේටිව් නායකත්වය සඳහා තරඟ කරන විට, තම පක්ෂයේ විශ්වාසය නැති වූ බවත් තමාට දුන් පොරොන්දු ඉටු කළ නොහැකි බවත් පිළිගත්තාය.
“තත්ත්වය අනුව, කොන්සර්වේටිව් පක්ෂයෙන් මා තේරී පත් වූ ජනවරම මට ලබා දිය නොහැකි බව මම දනිමි. එබැවින් මම කොන්සර්වේටිව් පක්ෂයේ නායකත්වයෙන් ඉල්ලා අස්වන බව දැනුම් දීමට මහරජුට කතා කළෙමි, ”ඇය පැවසුවාය.
බ්‍රිතාන්‍ය ඉතිහාසයේ කෙටිම අගමැති ධුරය දැරූ ට්රස් වෙනුවට කොන්සර්වේටිව් පක්ෂය ඉදිරි සතිය ඇතුළත නායකත්ව මැතිවරණයක් පවත්වනු ඇත.
මින් ඉහත බොරිස් ජොන්සන්ද ඉවත්වූයේ පක්ෂය ඇතුළේ කලබලය නිසාය.
විපක්ෂයේ කම්කරු පක්ෂය වහාම මහ මැතිවරණයක් ඉල්ලා තිබේ.
රැජිණගේ අභාවය හා අසන්න කාලයේ සිට මෙම අර්බුද මතුවූ අතර පසුගිය සැප්තැම්බර් 20 වනදා ඒ ගැන අප පළ කළ පෙර ලිපිය පහතින්
රැජිනගේ අභාවයෙන් පසු එංගලන්තයේ දේශපාලන වෙනසක් ළඟදීම මහමැතිවරණයක්
0 Comments