ඕස්ට්‍රෙලියාවේ පැවැත්වෙමින් තිබෙන ක්‍රිකට් විස්සයි20 ලෝක කුසලානයේ ඉදිරි තරග සඳහා ශ්‍රී ලංකා පිලේ දුෂ්මන්ත චමීරට හා ධනුෂ්ක ගුණතිලකට තරගකරන්නට නොහැකිවනු ඇත. ඔවුන් දෙන්නාම ආබාධවලට ලක්වීම මීට හේතුවයි.
දකුණු අත වේග පන්දු යවන කසුන් රාජිත මෙහිදී දුෂ්මන්ත චමීර වෙනුවට ක්‍රීඩා කරනු ඇති අතර ධනුෂ්ක ගුණතිලක වෙනුවට අශේන් බණ්ඩාර නම් කර ඇත.
චමීර ඔහුගේ පන්දු යැවීමේ අවසන් ඕවරය යැවීමෙන් පසු ආබාධ සහිතව පිටියෙන් ඉවතට ගියේය එක්සත් අරාබි එමීර් රාජ්‍යයට එරෙහිව ශ්‍රී ලංකාව ලැබූ ජයග්‍රහණය අතර ඇතිවූ මෙම ආබාධය ඔහුගේ වළලුකර සමඟ සම්බන්ධ වී ඇති අතර එය පසුගිය මාසයේ ඔහුව ආසියානු කුසලානයෙන් ඉවත් කිරීමටද හේතු විය.
ශ්‍රී ලංකා ක්‍රිකට් ආයතනයේ වෛද්‍ය උපදේශක කමිටු ප්‍රධානී අර්ජුන ද සිල්වා පවසා ඇත්තේ චමීර වළලුකරයේ ශල්‍යකර්මයකට භාජනය කරන බවයි.
ජූනි මාසයේදී ශ්‍රී ලංකාවට එරෙහිව පැවැත්වෙන විස්සයි20 සංචිතයට කසුන් රාජිත කැඳවනු ලැබුවද තරගයක් ලැබුණේ නැත. ඉන්පසුව ඔහු තනි කඩුල්ලක් ලබා අගෝස්තු මාසයේදී SLC Invitational League තරඟාවලියේ SLC Blues වෙනුවෙන් තරඟ තුනකදී ඔහු ක්‍රීඩා කළේය.එය ඔහුගේ අවසන් T20 තරඟය විය. කෙසේ වෙතත් ඔහුගේ අවසන් ජාත්‍යන්තර තරගය වූයේ මේ වසරේ ජූලි මාසයේදී පාකිස්තානයට එරෙහිව පැවැති ටෙස්ට් තරගයයි.
0 Comments