මොරටුව අඟුලානේ උත්සව ශාලාවක පැවැති මංගල උත්සවයක් අතර තුර බාලවයස්කාර මනමාලියක සහ වයස 19 මනමාලයා උත්සවය අතරතුර උඩරට මංගල ඇඳුම් පිටින් අත්අඩංගුවට ගෙන තිබේ.
අඟුලාන පොලිසිය පවසන්නේ ජාතික ළමා ආරක්ෂණ අධිකාරියෙන් 1929 හදිසි ඇමතුම් අංකයට ලැබුණු තොරතුරකට අනුව මෙම අත්අඩංගුවට ගැනීම සිදු කළ බවයි.
විවාපත් වීමට ගිය මනාලියගේ වයසේ අවු අවුරුදු 15යි මාස හයක් බව සඳහන් කරන පොලිසිය සැකකාර තරුණයාගේ වයස අවුරුදු 19 බවත් මූලික විමර්ශනයේදී හෙළි වු බව පැවසීය.
අත්අඩගුවට ගැනීමත් සමග විවාහ උත්සවය කඩාකප්පල් විය.
මේ වන විට තරුණයා පොලිස් අත්අඩංගුවේ පසුවන අතර දැරිය දකුණු කොළඹ ශික්ෂණ රෝහලේ වෛද්‍ය පරීක්ෂණයක් සඳහා යොමු කර ඇත.
0 Comments