චීනයේ නැවත කොවිඩ් රැල්ලක් - රෝහල් වේගයෙන් ඉදි කෙරේ - අනපේක්ෂිත මරණ

ලෝකයට හිසරදයක් වූ කොරෝනා වෛරස් වසංගතය නැවතත් චීනයේ හිස ඔසවන්නට පටන්ගෙන ඇතැයි විදෙස් වාර්තා සඳහන් කරයි. නොවැම්බර් 25 චීනයෙන් වාර්තාවූ තිස් දහසකට වැඩි (31,928) කොරෝනා ආසාදිත සංඛ්‍යාව පසුගිය වසර 2 ඇතුළත එක්දිනක් තුළ වාර්තාවූ වැඩිම අගයයි.
කෙසේ වෙතත් විදෙස් මූලාශ්‍ර සැක පළකරන්නේ අතිශය සීමාසහිත වාර්තා කරණය තුළ චීනයේ මෙම අගය මීට වඩා බෙහෙවින් වැඩි වියහැකි බවයි.

COVID-19 නිරෝධායන මධ්‍යස්ථාන සහ ක්ෂේත්‍ර රෝහල් වේගයෙන් ඉදිකිරීමට බීජිං නගර රජය නියෝග කර ඇති අතර චීනයේ අගනුවර සමහර ප්‍රදේශවල පදිංචිකරුවන් සිකුරාදා සුපිරි වෙළඳසැල් රාක්ක සහ අතිවිශාල බෙදාහැරීමේ යෙදුම් හිස් කරමින් සිටියහ.

 බීජිං දිස්ත්‍රික්කවල අගුලු දැමීම් පිළිබඳ අවිනිශ්චිතභාවය පැතිරී ඇති නිසා මෙම තත්වය හටගෙන තිබේ. මාස ගණනාවක් තිස්සේ නගරයේ දක්නට නොලැබුණ ආහාර හිඟයක්ද මතුව ඇත.
මිලියන 21ක් වූ පාරිභෝගිකයින් අතරමං ස්වරූපයක සිටින බව එරට මාධ්‍ය වාර්තා කර ඇත.
රට පුරා දෛනික COVID-19 රෝගීන් වාර්තාගත වෙමින් පවතින අතර සිකුරාදා වාර්තා වූ සංඛ්‍යාව 31928 ගෙන් 1,860 ක් බීජිං හි සිටින අය වන අතර ඔවුන්ගෙන් බහුතරයක් පැහැදිලි රෝග ලක්ෂණ රහිත වීම විශේෂිතය.

නගරයේ බොහෝ පදිංචිකරුවන්ට ඔවුන්ගේ කන්ඩායමෙන් පිටව නොයන ලෙස දැනටමත් උපදෙස් දී ඇති අතර, සමහර තැන්වල වැටවල් බැඳ ඇත. ඒවාට ඇතුල්වීම්වලදී, සුදු ඇඳුමෙන් සැරසී සිටින කම්කරුවන් අනවසර පුද්ගලයින් නවතා නිවැසියන් මෑත කාලීන COVID-19 පරීක්ෂණයක් පරීක්ෂා කරනු ලැබේ. ප්‍රවේශය ලබා ගැනීම සඳහා ඔවුන්ගේ ජංගම දුරකථන සෞඛ්‍ය යෙදුම්වල ප්‍රතිඵලයද විමසා සිටී.

මේ අතර  ඊසානදිග චීනයේ වාහන වෙළෙන්දෙකුගේ පියා හදිසියේ මියයාම සම්බන්ධ ආන්දෝලනාත්මක තත්වයක්ද වාර්තා විය.

කොවිඩ් අවදානමක් පනවා ඇතත් ඒ ගැන දැනුවත්ව නොසිටි පියා වීඩියෝ ඇමතුමක් අතරතුර හදිසියේම හුස්ම ගැනීම අපහසුවී ක්ෂණිකව පණ අදිමින් සිට ඇති අතර වහාම ක්‍රියාත්මකවී රෝහල් වලට දැනුම් දුන් නමුත් ගිලන් රථය පැමිණ ඇත්තේ පැයකට පසුය. රෝහලකට ගෙන යාමට ගොඩනැගිල්ලට ඇතුළු වීම සඳහා ඥාතීන් උත්සාහ කළත් ආරක්ෂක නිලධාරීන්  බාධා කළ බව පවසමින් පවුලේ අය මාධ්‍ය වෙත පැමිණ බැණ වැදී තිබුණි.
මෙම පුවත සමග හදිසියේ ඇදවැටී මියයන අය ගැන වාර්තා චීනයේ මතුවෙමින් පවතින අතර මාධ්‍ය මගින් ඒ සිදුවීම් වාරණය කර ඇතැයිද වාර්තාවේ.

මේ අතර චීනයේ Zhengzhou හි පිහිටා ඇති ලොව විශාලතම ඇපල් ඉලෙක්ට්‍රොනික නිෂ්පාදන කම්හල තුළ කොරෝනා හේතුවෙන් කලබලකාරී වාතාවරණයක් මතුව ඇතැයිද වාර්තාවේ. රෝග බෝවන සේවකයින් පළවා හැර වෙනත් අය සේවයට බඳවා ගැනීමත් සැකසහිත රෝගීන්ට නේවාසිකාගාරවල ඉන්න ඉඩ නොදී අමානුෂික ආකාරයට සලකන බවද කියමින් එම කම්හල තුළ වාහන පෙරළමින් සේවකයින් උද්ඝෝෂණවල නියැළෙන අයුරු සමාජ මාධ්‍ය තුළ වාර්තාවී තිබේ.