ඇමරිකාවේ චිකාගෝ හි ‘ඔබාමා ජනාධිපති මධ්‍යස්ථානය‘ නමින් ගොඩනැගිලි සංකීර්ණයක් ඉදිකරමින් පවතින අතර එහි ඉදිකිරීම් කටයුතු හදිසියේ නවතා දමන්නට සිදුව ඇතැයි බීබීසී වාර්තාවක දැක්වේ.මෙලෙස වැඩ නවතා දමා ඇත්තේ එම ස්ථානයේ තිබී සිරකරුවන් එල්ලා මරන්නට උපයෝග කරන තොණ්ඩුවක් හමුවීමත් සමඟය.
ව්‍යාපෘතියට සම්බන්ධිත කළු ජාතිකයින්ට අයත් ඉදිකිරීම් සමාගම් සමූහයක් වන ලේක්සයිඩ් එලායන්ස් පැවසුවේ ඔවුන් බ්‍රහස්පතින්දා මෙම සිද්ධිය පොලිසියට වාර්තා කළ බවයි.
මෙම තොණ්ඩුව මෙතැනට කිසිවෙකු ගෙනවිත් දමන්නට ඇතැයි සැකකරන අතර වරදකරුවන් සොයා ගැනීමට ඔවුන් $100,000 ත්‍යාගයක් පිරිනමන බවද දන්වා ඇත. මෙම සිදුවීම පසුපස ඇමරිකාවේ වර්ණභේදවාදය හා සම්බන්ධිත අර්බුදය නැවත මතුකර ඇත.
ප්‍රකාශයක් නිකුත් කරමින් ඔබාමා පදනම - හිටපු ජනාධිපතිවරයාගේ ලාභ නොලබන සංවිධානය - මෙම සිද්ධිය "නිර්ලජ්ජිත ක්‍රියාවක් සහ බියගුලු කමක් හා වෛරයක්" ලෙස නම් කර ඇත.
ලූප් කරන ලද කඹය 19 වන සියවසේ අගභාගයේ සහ 20 වන සියවසේ මුල් භාගයේ එක්සත් ජනපදයේ ප්‍රධාන වශයෙන් කළු ජාතිකයින්ගේ නීති විරෝධී එල්ලා මැරීම් සිහිපත්කරවන්නකි.
ඉලිනොයිස් ආණ්ඩුකාර ජේ බී ප්‍රිට්ස්කර් ද මෙම සිද්ධිය හෙළා දකිමින් ට්විටර් වෙබ් අඩවියේ ලියා ඇත්තේ "තොණ්ඩුව වර්ගවාදයේ සංකේතයකට වඩා වැඩි" බවයි.
මධ්‍යස්ථානයේ වැඩ 2021 දී ආරම්භ වූ අතර, බැරැක් ඔබාමා සහ ඔහුගේ බිරිඳ මිෂෙල් පසුගිය සැප්තැම්බරයේ වැඩ ඇරඹීමට සම්බන්ධ විශාල ප්‍රසිද්ධියක් ලැබුණ උත්සවයකටද සහභාගී විය. ලෝක මට්ටමේ කෞතුකාගාරයක් සහ මහජන රැස්වීම් අවකාශයක් ගොඩනැගීමේ ප්‍රධාන අරමුණක් මෙම මධ්‍යස්ථාන සැලසුමේ පවතී.
ඩොලර් මිලියන 500 ක් වැය කර තනන මධ්‍යස්ථානයට ලොව පුරා කළුජාතිකයින් ආධාර අරමුදල් සපයා ඇත.
2025 දී විවෘත කිරීමට නියමිත අතර, වසරකට නරඹන්නන් 750,000ක් පමණ ආකර්ෂණය වනු ඇතැයි අපේක්ෂා කෙරේ.
(බීබීසී ඇසුරිනි - Gossiplankanews.com)
0 Comments