නව පුද්ගලික ආදායම් බද්ද ඉවත් කරන ලෙස ඉල්ලා වෛද්‍යවරුන් 20,000කට අධික පිරිසකගේ අත්සන් සහිත පෙත්සමක් ළඟදීම ජනාධිපතිවරයා වෙත භාරදෙන බව රජයේ වෛද්‍ය නිලධාරීන්ගේ සංගමය පවසයි.
ලබන වසරේ ජනවාරි 01 වැනිදා සිට ක්‍රියාත්මක වන නව පුද්ගලික ආදායම් බද්ද ඉවත් කරන ලෙස බලකරමින් GMOA විසින් රටපුරා ‘කළු සති විරෝධතාවක්’ දියත් කිරීමටද සැලසුම් කර තිබේ.
රජයේ වෛද්‍ය නිලධාරීන්ගේ සංගමයේ වෛද්‍යවරුන් පැවසුවේ බදු පැනවීමට තමන් විරුද්ධ නොවන නමුත් බදු සංශෝධන ගෙන ඒමේදී සාධාරණය ක්‍රියාත්මක විය යුතු බවයි.
GMOA හි වෛද්‍ය හරිත අලුත්ගේ මහතා පෙන්වා දුන්නේ පුහුණු ශ්‍රමිකයින් විදේශයන්හි පිටත්ව යාමේ ක්‍රියාවලියටද මෙය හේතුවිය හැකි නිසා ජාතියට විශාල අර්බුදයක් ඇති කළ හැකි බවත්ය.
“ආදායම් බදු නීතිවලට යෝජිත සංශෝධන ජාතිය ආපස්සට තල්ලු කිරීමක් පමණයි. රට හැර යන වෛද්‍යවරුන් නතර කිරීම ගැන බොහෝ දෙනා කතා කරනවා. එහෙත් මෙයින් වෙන්නේ ඒකට රුකුල්දීමක්” ඔහු පැවසීය.
0 Comments