හිටපු ජනාධිපති ගෝඨාභය රාජපක්ෂ මහතා සිය අමෙරිකා එක්සත් ජනපදයේ පුරවැසිභාවය සඳහා යළි ඉල්ලුම් කර ඇතැයි සන්ඩේ ටයිම්ස් පුවත්පත වාර්තා කරයි.
රාජපක්ෂ 2022 දෙසැම්බර් මාසයේදී සිය පවුලේ අය සමඟ ශ්‍රී ලංකාවෙන් පිටව ගිය අතර දැනට නිවාඩුවක් සඳහා ඩුබායි හි සිටී.
ඔහු ඩුබායි හරහා ඇමරිකාව බලා පිටත්ව ගොස් ඇති බව මුලින් වාර්තා වූ නමුත් ගෝඨාභය රාජපක්ෂට ඇමරිකාවට යාමට වීසා නොතිබුණි.
මේ හේතුවෙන් ඔහු යළිත් ලංකාවට පැමිණෙන බව වාර්තාවේ. ඔහුගේ පුතු ලේලිය හා මිනිපිරිය යළි ඇමරිකාවට යන අතර යලි ශ්‍රී ලංකාවට එන්නේ ගෝඨා හා බිරියයි.
වාර්තාවට අනුව, රාජපක්ෂ සිය නීතිඥයින් මාර්ගයෙන් එක්සත් ජනපද රාජ්‍ය දෙපාර්තමේන්තුවට ආයාචනයක් කර ඇත්තේ ඔහුගේ එක්සත් ජනපද පුරවැසිභාවය නැවත ලබා දෙන ලෙසයි.
කෙසේ වෙතත්, 2019 ජනාධිපතිවරණයට තරඟ කිරීම සඳහා ඔහු අත්හැර දැමූ ඔහුගේ එක්සත් ජනපද පුරවැසිභාවය නැවත ලබා දෙන ලෙස කරන ලද ඉල්ලීම තවමත් එක්සත් ජනපද බලධාරීන් විසින් සලකා බලා නොමැති බව සන්ඩේ ටයිම්ස් වාර්තාව වැඩිදුරටත් පවසයි.
2022 දී පැවති රාජ්‍ය විරෝධී විරෝධතා අතරතුර ශ්‍රී ලංකාවෙන් පලා යාමෙන් පසු කිසිදු රටක සරණාගතභාවය ලබා ගැනීමට අපොහොසත් වීමෙන් පසු ගෝඨාභය රාජපක්ෂ සිය එක්සත් ජනපද පුරවැසිභාවය නැවත ලබා දෙන ලෙස ඉල්ලා සිටියේය.
හිටපු ජනාධිපතිවරයා ඇමරිකානු පුරවැසිභාවය ලබා ගැනීමේ උත්සාහය තවමත් සාර්ථක වී නොමැති බව ඇමරිකානු තානාපති කාර්යාලයේ දැනුවත් මූලාශ්‍රයක් මගින් තහවුරු කර ඇතැයි වාර්තාවේ.
0 Comments