ප්‍රංශයේ රියුනියන් දූපතට බෝට්ටුවෙන් ගිය ශ්‍රීලාංකිකයින් 46 ක් නැවත මෙරටට හරවා එවලා

ප්‍රංශයේ Réunion Island හි බලධාරීන් විසින් 2023 ජනවාරි 13 වන දින සවස ශ්‍රී ලාංකිකයින් 46 දෙනෙකු ගුවන් මගින් ශ්‍රී ලංකාවට පිටුවහල් කර එවා තිබේ. වාර්තා වන පරිදි, මෙම ශ්‍රී ලාංකිකයන් පිරිස මුහුදු මාර්ගයෙන් Réunion දූපතට නීති විරෝධී ලෙස සංක්‍රමණය වීමට උත්සාහ කරමින් සිටියදී අත්අඩංගුවට පතක්වීමෙන් පසු මෙලෙස එවා ඇත.

සැකකරුවන් 2022 දෙසැම්බර් 02 වැනි දින මීගමුව ප්‍රදේශයෙන් බහුදින ධීවර යාත්‍රාවකින් (IMUL - A- 0559 CHW) පිටත්ව ගොස් තිබුණි. මෙම පිරිසට බහුදින ධීවර යාත්‍රාවේ කාර්ය මණ්ඩලය ඇතුළු පිරිමි පුද්ගලයින් 43 ක්, කාන්තාවන් 02 ක් සහ පිරිමි දරුවන් 01 කු ඇතුළත් විය. 2022 දෙසැම්බර් 24 වැනි දින නීතිවිරෝධී ලෙස ප්‍රංශයේ රියුනියන් දූපතට ඇතුළු වීමට උත්සාහ කිරීමේදී ඔවුන් අත්අඩංගුවට ගෙන ඇත. ඔවුන් වයස අවුරුදු 13 සිට 53 දක්වා යාපනය, කිලිනොච්චිය, මුලතිව්, මන්නාරම, මඩකලපුව, හලාවත සහ මීගමුව යන ප්‍රදේශවල පදිංචිකරුවන් බවට හඳුනාගෙන ඇත.

ලංකාවට පැමිණි පසු, එම පිරිස ඉදිරි නීතිමය කටයුතු සඳහා අපරාධ පරීක්ෂණ දෙපාර්තමේන්තුව වෙත භාරදීමට නියමිතයි.

මෙම ජාවාරම මෙහෙයවූ දෙහිවල ප්‍රදේශයේ ජාවාරම්කරුවන් රුපියල් රුපියල් 200,000 සිට රු. එක් පුද්ගලයෙකුගෙන් 4,500,000 මුදලක් අයකරගෙන ඇති බව අනාවරණය වී තිබේ.

ප්‍රංශ රජය රියුනියන් දූපතට නීතිවිරෝධී ලෙස මිනිසුන් ඇතුළුවීම පිළිනොගන්නා අතර එවැනි පුද්ගලයින්  වහාම ආපසු හරවා එවනු ලැබේ.
(ඡායාරූප navy.lk)