ටින්ඩර් හි මුණගැසුණු කාන්තාවකට ලිංගික අතවර කළ බවට චෝදනා එල්ල වූ ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට ඔහුගේ ඇප කොන්දේසි ලිහිල් කරගන්නට ඔහුගේ අලුත්ම නඩුවාරයේදී හැකිවූ බව news.com.au වාර්තා කරයි.
ඔහුට දැන් WhatsApp භාවිතා කිරීමට අවසර ඇත.
පසුගිය වසරේ නොවැම්බර් 2 වැනිදා සිදු වූ සිද්ධියකට අදාළව කැමැත්තෙන් තොරව ලිංගිකව එක්වීමේ චෝදනා හතරකට මුහුණ දී සිටින ධනුෂ්ක ගුණතිලක බ්‍රහස්පතින්දා අළු පැහැති ඇඳුමකින් සැරසී සිඩ්නි ඩව්නිං සෙන්ටර් ප්‍රාදේශීය අධිකරණයට පැමිණි බව එම වාර්තාවේ දැක්වේ.
31 හැවිරිදි ධනුෂ්කගේ ඇප කොන්දේසි දෙකක් වෙනස් කිරීමට ඩිෆෙන්ස් බැරිස්ටර් එමා සුලිවන් ඉල්ලුම් කළාය.
පළමු කොන්දේසිය වූයේ ගුණතිලකට WhatsApp භාවිතා කිරීමට අවසර දීමයි, එය මහේස්ත්‍රාත් ජෙනිෆර් ඇට්කින්සන් විසින් අනුමත කළ අතර එයට විරුද්ධ නොවීය.
ටින්ඩර් යෙදුම හා ආනක් මාධ්‍ය භාවිතා නොකළ යුතු යන්න වෙනස් කිරීමට කළ ඉල්ලීමට අධිකරණ අවසරය නොලද අතර වෙනත් සමාජ මාධ්‍ය භාවිතා කිරීමට අවසර නැත.
කෙසේ වෙතත් ලිහිල් කිරීම් අසාධාරණ බව පවසමින් ඩීපීපී සොලිසිටර් ජෝර්ජ් රික්සන් ඒවාට විරුද්ධ වූ අතර, තවදුරටත් වැරදි සඳහා “අවදානමක්” පවතින නිසා ඒවා ක්‍රියාත්මක විය යුතු බව උසාවියට පැවසීය.
“චූදිතයාගේ ආක්‍රමණශීලී ලිංගික හැසිරීම කනස්සල්ලට කරුණකි,” ඔහු පැවසීය.
රික්සන් මහතා තර්ක කළේ රාත්‍රියේදී මෙවැනි ආකාරයේ වරදවල් සඳහා ඔහුට වැඩි අවස්ථා ඇති විය හැකි” බවයි.
මහේස්ත්‍රාත් ඇට්කින්සන් පැවසුවේ දවසේ ඕනෑම වේලාවක සිදුවිය හැකි යැයි කියන වරද සම්බන්ධයෙන් "සුවිශේෂ අවදානමක්" නොමැති බවයි.
"යථාර්ථය නම් ඔහුට නිවසේ වාසය කිරීමට සිදු වීමයි, ඔහු වෙනත් ස්ථානයක රැඳී සිටීමේ අවදානමක් ඇත්නම් වරදට යොමුවීමට අවස්ථා වැඩිය" ඇය පැවසුවාය.
රික්සන් මහතා පැවසුවේ තමා මහේස්ත්රාත්වරයා සමඟ එකඟ නොවන බවත්, ගුණතිලක මහතා "ප්‍රජාව තුළ ක්ෂණිකව හඳුනාගත නොහැකි අයකු" බවත්ය.
සුලිවන් මහත්මිය පැවසුවේ තම සේවාදායකයා ප්‍රසිද්ධ නොවීම ගැන රික්සන් මහතා පැවසූ දේ ඇය “පිළිගන්නේ නැති” බවයි.
“මෙම ක්‍රියාදාමයන් අනුගමනය කරන මාධ්‍යයන් තිබේ ... ඔහු ජාත්‍යන්තරව ප්‍රසිද්ධයි,” ඇය උසාවියට පැවසුවාය.
මහේස්ත්රාත්වරයා උසාවියට කියා සිටියේ ඉහළ පෙළේ වුවත් නැතත් සියලූ දෙනාටම එකම සැලකිල්ලක් දැක්විය යුතු බවයි.
කාලයාගේ ඇවෑමෙන් ගුණතිලක මහතාට ඇප වෙනස් කිරීමට එකඟ වූ බවත් ඇය පැවසුවාය.
"ඔහු ඉතා දැඩි ඇප කොන්දේසි යටතේ කාලයක් තිස්සේ යහපත්ව කටයුතු කර ඇත," ඇට්කින්සන් මහත්මිය පැවසුවාය.
ධනුෂ්ක ගුණතිලක පසුගිය වසරේ විස්සයි20 ලෝක කුසලානය සඳහා සිඩ්නි නුවරට ගොස් සිටියදී නොවැම්බර් 2 වැනිදා ඇප් එකකින් කාන්තාවක් හමුවන්නට ගොස් මෙම චෝදනා වලට ලක්වූ අතර ඉන්පසු ඔහුට ඕස්ට්‍රෙලියාවේ දිගටම රැඳෙමින් නඩු කටයුතු වෙනුවෙන් කාලය ගත කරන්නට සිදුවිය.
පසුගිය වසරේ සිඩ්නි හි අභ්‍යන්තර බටහිර ප්‍රදේශයේ එක් නිදන කාමරයක් සහිත මහල් නිවාසයකට යාමට ඔහුට අවසර ලැබුණි.
ඔහු මීට පෙර ඔහුගේ විදේශ ගමන් බලපත්‍රය භාර දුන් අතර ඇප ප්‍රතිපාදනයක් ලෙස ජාත්‍යන්තර පිටවීමේ ස්ථානයකට නොපැමිණෙන ලෙසට නියෝග කර ඇත.
ධනුෂ්ක ගුණතිලක කැමැත්තෙන් තොරව ලිංගිකව එක්වීමේ චෝදනා හතරට අභියාචනා ඉදිරිපත් කර නැත.
ඔහුගේ නීතීඥ කණ්ඩායමට කෙටි සාක්‍ෂියක් ඉදිරිපත් කර ඇති බවද සඳහන්ය.
නඩුව අප්‍රේල් මාසයේදී නැවත අධිකරණයට ඉදිරිපත් කිරීමට නියමිතය.
0 Comments