නවසීලන්ත ක්‍රිකට් තරඟ සංචාරය සඳහා සහභාගීවන ශ්‍රී ලංකා කණ්ඩයම මේ වන විට එරට බලා පිටත් වී තිබෙනවා. මාධ්‍ය හමුවේ තරඟ සංචාරය පිළිබදව ශ්‍රී ලංකා ටෙස්ට් ක්‍රිකට් කණ්ඩායමේ නායක දිමුත් කරුණාරත්න ගුවන් තොටුපලේදී මෙසේ පැවසීය.
"අපි හොඳ සූදානමකින් ඉන්නේ. නවසීලන්තේ ගිහිල්ලා තව දින 8ක 9ක වගේ කාලයක් තියෙනවා පළවෙනි තරඟයට පෙර.
ඊට පෙර දෙදින පුහුණු තරඟයකුත් ක්‍රීඩා කරනවා. අන්තිම මාසය අපි සෑහෙන්න ලොකු පුහුණු වීමක් කලා."
පවතින කණ්ඩායම පිළිබදව ඔහු මෙසේ අදහස් දැක්වීය.
"හොඳ කණ්ඩායමක් ඉන්නවා. අන්තිම කාලේ එකට ක්‍රීඩා කරපු ටෙස්ට් කණ්ඩායම ඉන්නෙ. අත්දැකීම් බහුල සහ නවක ක්‍රීඩකයොත් එක්ක හොඳ සං‍යෝගයක් තියෙනවා කණ්ඩායමේ.
මේක ලොකූ තරඟාවලියක්. මේක අනිවාර්‍යයෙන්ම ජයග්‍රහණය කරන්න ඕනෙ අවසාන මහා තරඟයට යන්න. අපිට කරන්න පුළුවන් උපරිම දේ කරනවා අවසාන තරඟයට සුදුසුකම් ලබාගන්න."
නවසීලන්ත කණ්ඩායම පිළිබඳව වැඩිදුරටත් ඔහු මෙසේ පැවසීය.
"අපි දැක්කා එංගලන්තයත් එක්ක සෙල්ලම් කරන කොට ඔවුන් පසු බෑමකට ලක් වෙලා තියෙනවා. ඒ පසුබෑමත් එක්ක අපිත් හොඳින් ක්‍රීඩා කරානම් අපිට තරඟය ජයග්‍රහණය කරන්න පුළුවන්."
0 Comments