දරුවෙක්ගේ උප්පැන්නය ලියාපදිංචි කිරීමේ දී මව්පියන් විවාහක ද කියන කාරණය ඉතාම ඉක්මණින් ඉවත් කිරීමට කටයුතු කළ යුතු බවත් මවකට සමාජයේ තනිව ජීවත් වීමේ හැකියාව තිබිය යුතු මෙන්ම එය කිසිම අපහාසයකට කාරණයක් නොවන බවත් ළමා හා කාන්තා කටයුතු රාජ්‍ය අමාත්‍ය ගීතා කුමාරසිංහ මහත්මිය ඊයේ (13) පැවසුවාය. දරුවෙක් හදාගැනීමට අමාරුම තත්වයක් තියෙනවා නම් ඒ දරුවා හදාගැනීමට සූදානම් බව කී අමාත්‍යවරිය අහල පහළ දරුවෙක්ට කිසියම් විපතක් වෙන්න යනවා යැයි ඉඟියක් තිබේ නම් හෝ ඔවුන්ට දරුවා හදාගැනීමට අමාරු නම් 1929 දුරකථනයට ඇමතුමක් දියයුතු බව ද සඳහන් කළාය. සෑම කාන්තාවක් මෙම දුරකථන අංකය ළඟ තබාගත යුතු බවත් ගබ්සා කරන එක හොඳ දෙයක් යැයි පෞද්ගලිකව විශ්වාස නොකරන බවත් ඇය කීවාය.
මාතෘත්වය ඉතාම විශාල ලෙස කඩා වැටීමකට ලක්ව තිබෙන බවත් අලුත උපන් බිලිඳියව වැසිකිළියක දමා යෑම, සුරතල් දරුවා ඉස්සන් කොටුවකට තල්ලු කර මරා දැමීමට උත්සහ කිරීම සහ පිට රට සිටින බිරිඳට මුදල් එවන්නැයි කියලා බලපෑම් කරමින් දරුවට පහර දීම වැනි සිද්ධීන් පසුගිය දින කීපයේ දී ඇසීමට ලැබුණු බවත් අමාත්‍යවරිය කීවාය. රාජ්‍ය නොවන සංවිධාන දරුවන් වෙනුවෙන් නිවාස 350 කට අධික සංඛ්‍යාවක් ඉදිරි කරලා තිබෙන බව කී ගීතා කුමාරසිංහ මහත්මිය රාත්‍රී කාලයේ හෝ කාන්තාවකට නිවසින් යන්න ඕන නම් කෝච්චියට නොපැන එම නිවසට යෑමේ හැකියාව තිබිය යුතු බව ද සඳහන් කරන්නීය. ළමා හා කාන්තා කටයුතු රාජ්‍ය අමාත්‍ය ගීතා කුමාරසිංහ මහත්මිය ප්‍රවෘත්ති දෙපාර්තමේන්තුවේ දී ඊයේ (13) පැවැති විශේෂ මාධ්‍ය හමුවක දී එසේ පැවසුවාය.
යොහාන් භාසුර
1929 ඇමතුම් මධ්‍යස්ථාන උපකාරක අංකය
ChildLine යනු ළමයින් සම්බන්ධ ඕනෑම විමසීමක් සඳහා පුද්ගලික සහ රහස්‍ය සේවාවකි.
"1929" සම්බන්ධ කර ගත හැක . නොමිලේ ඕනෑම ටෙලිකොම් සපයන්නා හරහා, රටේ ඕනෑම තැනක සිට, දවසේ ඕනෑම වේලාවක, සතියේ ඕනෑම දිනයක, සිංහල / දෙමළ / ඉංග්‍රීසි භාෂාවලින්
1998 පනත 50 යටතේ ආරම්භ කරන ලද ජාතික ළමා ආරක්ෂක අධිකාරිය (NCPA) යනු ළමා සංවර්ධන හා කාන්තා කටයුතු අමාත්‍යාංශයේ (MOCDWA) විෂය පථයට අයත් වන ශ්‍රී ලංකාවේ ළමා ආරක්ෂණ සේවා සඳහා වන ආදර්ශ ආයතනයයි.
ළමා ආරක්ෂණ ක්‍ෂේත්‍රයේ එක් ප්‍රධාන අවශ්‍යතාවයක් ආමන්ත්‍රණය කරමින් 2010 ජූලි මාසයේදී ජාතික ළමා ආරක්ෂක අධිකාරියේ ආරම්භ කරන ලද පැය 24 පුරා ක්‍රියාත්මක වන ළමා දුරකථන ජාලය දැන් ජාතියේ දරුවන්ගේ ආරක්ෂාව වෙනුවෙන් ප්‍රමුඛ කාර්යභාරයක් ඉටු කරයි. 1929 දරුවන්ගේ හදිසි අවශ්‍යතා සඳහා පමණක් ප්‍රතිචාර දක්වයි, නමුත් ඔවුන්ගේ දිගුකාලීන රැකවරණය සහ පුනරුත්ථාපනය සහතික කිරීම සඳහා සුදුසු සේවාවන් වෙත ඔවුන් සම්බන්ධ කරයි.
අද ළමා අපචාර පිළිබඳ පැමිණිලි ලැබීමේ සහ ඒවාට කඩිනමින් ප්‍රතිචාර දැක්වීමේ ප්‍රමුඛ යාන්ත්‍රණය ලෙස චයිල්ඩ්ලයින් ක්‍රියා කරයි. ළමා අපයෝජන සිද්ධීන්වලට ළමා හිතකාමී, කඩිනම් සහ කාර්යක්ෂම ලෙස ප්‍රතිචාර දැක්වීමේ අරමුණින් එය දියත් කර ඇති බැවින්, ඕනෑම දරුවෙකුට හෝ වැඩිහිටියෙකුට එයට ප්‍රවේශ වී තොරතුරු ලබා දිය හැකිය. මෙම සේවාව ජාත්‍යන්තර ළමා සේවයේ යාවජීව සාමාජිකත්වය ද ලබාගෙන ඇති බව සඳහන් කිරීම වටී.
අපි පොදුවේ සියලුම දරුවන්ගේ අයිතිවාසිකම් ආරක්ෂා කිරීම සඳහා ක්‍රියා කරන්නෙමු, විශේෂයෙන් සමාජයේ වඩාත් අවදානමට ලක්විය හැකි සහ ආන්තික දරුවන් සඳහාය:
ඔවුන්ගේ පවුල, පාසල් සහ වෙනත් ආයතන තුළ කායික/ලිංගික/චිත්තවේගීය අපයෝජනයන්ට ලක් වූ දරුවන්.
- චිත්තවේගීය සහය සහ මග පෙන්වීම අවශ්‍ය දරුවන්.
- වීදිවල තනිව ජීවත් වන වීදි දරුවන්.
- ළමා ශ්‍රමය - විශේෂයෙන්ම ගෘහස්ථයන්.
- ළමා ජාවාරමට ගොදුරු වූවන්.
- නීතිය සමඟ ගැටෙන දරුවන්.
- දෙමාපියන් හෝ භාරකරුවන් විසින් අතහැර දැමූ දරුවන්.
- මත්ද්රව්ය භාවිතයට ගොදුරු වූ දරුවන් - ළමා ඇබ්බැහි වූවන්.
- ආයතනික දරුවන්.
- අභ්‍යන්තරව අවතැන් වූ ළමුන් ඇතුළු ගැටුම් සහ ව්‍යසනවලින් පීඩාවට පත් දරුවන්.
- කම්පන සහගත සිදුවීම් වලට ගොදුරු වන / සිටින පවුල් ඇති දරුවන්.
0 Comments