කාජල්ගේ හෝ මගේ චිත්‍රපට බලන්නවත් අපේ දරුවන් උනන්දු නැහැ - අජේ දෙව්ගන්

ප්‍රකට බොලිවුඩ් නළුනිළි දෙපළක් වන අජේ දෙව්ගන් හා කාජල් කලකට පසු තම දරු දෙන්නා ගැන සම්මුඛ සාකච්ඡාවකදී කරුණු කියා තිබේ.
ෆිල්ම් ෆෙයාර් සඟරාව කළ විමසීමකදී අජේ පවසන්නේ තමා බිරිඳ කාජල්, තමාගේ දරුවන් වන නයිසා සහ යුග් අවස්ථා කිහිපයකදීම සමාජ මාධ්‍ය වල ගොදුරු බවට පත්වන්නට සිදුවූ නමුත් දැන් ඒවා මග හැරයන්නට කියාදී ඇති බවයි. . නයිසාට කිහිප වතාවක්ම සමාජ මාධ්‍යයේ වෛරයට මුහුණ දීමට සිදු විය.

සමාජ මාධ්‍යවල නිතර නිතර ඇගේ පින්තූර සහ වීඩියෝ මතුවූ අවස්ථා ඇගේ සිත් පීඩාවට පත් කර තිබුණි.

අජේ පවසන්නේ තමා එවැනි දේවල් "නොසලකා හැරීමට" ඉගෙන ගෙන ඇති බවත් ඒ නිසා තමාගේ දරුවන්ටද එය කරන ලෙස ඉල්ලා සිටි බවයි.“ඔවුන් අන්තර්ජාලයෙන් කියවන දේවලින් කරදර නොවිය යුතු බව මුලදි සිතුවෙ නැහැ.නමුත් දැන් පුරුදුයි .. මේ කරදර දෙන්නේ ප්‍රේක්ෂකයින්ගෙන් කුඩා ප්‍රතිශතයක් පමණයි...” ඔහු කීය.

“මෙවැනි සෘණාත්මක පිරිසක් සිටින්නේ කොහේදැයි මම නොදනිමි. මම ඔවුන් නොසලකා හැරීමට ඉගෙන ගත්තා සේම මගේ දරුවන්ටද එසේ කරන ලෙස ඉල්ලා සිටියා. සමහර වෙලාවට ඒ අය ලියන දේවල් මටවත් තේරෙන්නේ නැහැ, ඒ නිසා මට කරදර කරන්න මම ඉඩ දුන්නේ නැහැ,” අජේ වැඩිදුරටත් පැවසීය.

තම දරුවන් කිසිවෙකු අනෙකුත් තරු-ළමුන් මෙන් නළු නිළියන් වීමට සිහින නොදකින බව පැහැදිලි කර ඇති අජේ, යුග් මෑතකදී හින්දි චිත්‍රපට නැරඹීමට පටන් ගෙන ඇති බවත්, නයිසා ඒ ගැන කිසිම උනන්දුවක් නොදක්වන බව ද කීවේය. ඔහු පැවසුවේ, “මගේ පුතා යුග් දැන් ඒවා බලන්න පටන් අරන්. මගේ දුව නයිසා අපේ චිත්‍රපටවත් බලන්නේ නැහැ. අඩුම තරමින් තවමත් ඒවා නැරඹීමට ඇයට උනන්දුවක් නැහැ.“ යනුවෙනි.