රංගන ද සිල්වා සියතට

ජනප්‍රිය නිවේදක රංගන ද සිල්වා එළැඹෙන සතියේ සිට සියත TV නාළිකාව සමඟ එක්වන බවට තොරතුරු වාර්තා වී තිබේ.

සියත නාලිකාවේ උදෑසන පත්තර වැඩසටහන ඉදිරිපත් කිරීම සඳහා එළැඹෙන සතියේ සිට ඔහු එක්වනු ඇති බවත් පසුව නළු නිලියන් සමග පවත්වන චැට් වැඩසටහනක්ද ඔහු භාරගනු ඇති බවත් වාර්තාවේ.

රංගන ද සිල්වා මහතා මීට පෙර ටීඑන්එල් හිරු හා ස්වර්ණවාහිනී නාලිකාවන්හි කටයුතු කළ අතර දීර්ඝ කාලයක් හිරු නාලිකාවේ සේවය කරමින් සිටියදී ගෝඨාභය පාලන කාලයේ ස්වාර්ණවාහිනියට ඔහු බඳවා ගැනීම එකල විශේෂ ප්‍රවෘත්තියක් විය. ඔහු සමග සුදේව හෙට්ටි ආරච්චිද එම නාලිකාවට සම්බන්ධවූ අතර ගෝඨාභයගේ පලායාමෙන් ටික කලකට පසු මේ දෙන්නාගේ ස්වර්ණවාහිනී නාලිකාව සමග පැවති කොන්ත්‍රත්තු අවසන්වූ පසු  කාලය දීර්ඝ නොකෙරිණි.
අනතුරුව රංගන සිය නමින් පුද්ගලික යූටියුබ් නාලිකාවක් අරඹා එහි වැඩ කරමින් සිටි අතර සුදේවද ඊට එකතු විය.
රංගන සියත නාලිකාවට එක්වන්නේ මේ සියල්ලෙන් අනතුරුවයි