පසුගිය 04වැනි දින සිට ඊයේ (09දා) දිනය දක්වා ගෙවී ගිය දින 05ක කාලයෙහි දී රියඅනතුරු දෙසිය හැටපහක් (265)ක් සිදුවී තිබෙන බවත් මෙයින් පුද්ගල මරණ විසිපහක් (25) සිදුවී තිබෙන බවත් පොලිස් මූලස්ථානය සඳහන් කරයි. මේ කාලයෙහි මාතලේ ප්‍රදේශයේ වයස අවුරුදු 19ක් පමණ වන පාසල් සිසුවෙකු පැද වූ රථයක් අනතුරට ලක් වී සිසුන් 09දෙනෙකු තුවාල ලබා එක් සිසුවෙකු මියගොස් තිබෙන බවද පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නීතීඥ නිහාල් තල්දූව මහතා සඳහන් කළේය.
මීට පෙර බදුල්ල ප්‍රදේශයේ ක්‍රිකට් තරගාවලියක් අතර තුර සිසුවෙකු පැදවු වාහනයක් අනතුරකට ලක් වී මරණ දෙකක් වාර්ත වී දසදෙනෙකු පමණ තුවාල ලබා තිඛෙන බවත් පවසා සිටියේය. වයස අවුරුදු 18 සම්පුර්ණ වූ පසු වැඩිහිටියන් ලෙසට නීතියෙන් සැලකුවත් පාසල් යන වයසේ පසුවන දරුවන් පිළිබඳව දෙමාපියන් මීට වඩා අවධානයකින් කටයුතු කළ යුතු බවත් බවද ඔහු සඳහන් කළේය. මේ වන විට උත්සව සමය ආරම්භ වී තිබෙන බවත් කිසිදු අවස්ථාවක බීමත්ව හෝ අධික වේගයෙන් රිය පැදවීම් සිදුනොකරන ලෙසට සියලු දෙනාගෙන් ඉල්ලා සිටින බවද පවසා සිටියේය.
ඉන්දික හේවාවිතාරණ
0 Comments