හිටපු ඇමරිකානු ජනපති ඩොනල්ඩ් ට්‍රම්ප් අධිකරණයේ විභාගවූ නඩුවකදී වරද පිළිගැනීමෙන් පසු එරට පොලිස් අත්අඩංගුවට පත්විය. ඇමරිකානු ජනපතිවරයෙකු සිය ධූර කාලයෙන් පසු මෙවැනි තත්වයකට මුහුණදී ඇත්තේ මුල් වතාවටය.
ඩොනල්ඩ් ට්‍රම්ප් සමග ඇසුරක් පැවැත්වූ වැඩිහිටි චිත්‍රපට නිළියක වෙත අල්ලසක් දී ජනපතිවරණ සමයේදී ඇයට කට වසා සිටින ලෙසත් අවාසි තත්වයන් ඇති නොකරන ලෙසත් දන්වා සිටීම මත මෙම නඩුව පැවරිණි.2016 දී වැඩිහිටි චිත්‍රපට තරුවක් වන ස්ටෝමි ඩැනියෙල්ස් වෙත කරන ලද මුදල් ගෙවීම් හේතුවෙන් ව්‍යාපාර වාර්තා ව්‍යාජ ලෙස සකස් කිරීම සම්බන්ධ අපරාධ චෝදනා 34 කට වරදකරු බව ට්‍රම්ප් පිළිගෙන ඇත.
ඔහු ට්‍රම්ප් ටවර් හි පිහිටි ඔහුගේ නිවසින් පිටත්ව ගියේ දේශීය වේලාවෙන් අඟහරුවාදා දවල් 1 ට පමණය. ඔහු තම මෝටර් රථයට නැඟීමට පෙර බලා සිටින කැමරාවලට අත දිගු කළේය.
හිටපු ජනාධිපතිවරයාගේ රථ පෙළපාලිය ට්‍රම්ප් ටවර් හි පිහිටි ඔහුගේ නිවසේ සිට මෑන්හැටන් අපරාධ අධිකරණය දක්වා කිලෝමීටර් 6.4 ක් (සැතපුම් 4) ධාවනය කිරීමට ගත වූයේ මිනිත්තු කිහිපයක් පමණි. රිය පැදවීම අතරතුර, ඔහු ඔහුගේ සමාජ මාධ්‍ය වෙබ් අඩවියේ මෙසේ පළ කළේය: "බොහොම අතිවිශිෂ්ටයි -- වාව්, ඔවුන් මාව අත්අඩංගුවට ගන්න යනවා".
ඔහු උසාවිය තුළට යන විට සන්සුන්ව හා බැරෑරුම් ලෙස පෙනී සිටියේය.
ඇතුළට ගිය පසු ඔහු බලධාරීන්ට භාර වූ අතර වෙන්කරවා තිබූ අසුනක වාඩි විය. තම නීති කණ්ඩායම වට කර, විනිසුරු ඉදිරිපිට වාඩි විය. ඉන් අනතුරුව පැයකට ආසන්න කාලයක් පැවති නඩු විභාගයකින් පසු ඩොනල්ඩ් ට්‍රම්ප් එරට වේලාවෙන් පස්වරු 3.30 ට පමණ පසුව උසාවියෙන් පිටතට පැමිණියේ පොලිස් ආරක්ෂාව මැදයි.
ඩිමොක්‍රටික් එක්සත් ජනපද කොන්ග්‍රස් සභික ජොකින් කැස්ත්‍රෝ ට්‍රම්ප්ගේ අත්අඩංගුවට ගැනීම විස්තර කර ඇත්තේ සියලු දෙනා නීතියට යටත් බව පෙන්වන “වැදගත්” අවස්ථාවක් ලෙස ය.
"හිටපු ජනාධිපතිවරයෙකුගේ නඩුව පෙර නොවූ විරූ දෙයක් වුවද, ඩොනල්ඩ් ට්‍රම්ප්ට වරදෙහි වගකීම පැවරීමට මැන්හැටන් දිස්ත්‍රික් නීතිඥවරයා විශාල ධෛර්යයක් පෙන්නුම් කර ඇත," කැස්ත්‍රෝ නිවේදනයක් නිකුත් කරමින් කියා සිටියේය.
"ජනාධිපතිවරයෙකුට දඬුවම් විරහිතව නීතිය කඩ කිරීමට ඉඩ දීම ඇමරිකානු ප්‍රජාතන්ත්‍රවාදය සඳහා භයානක පූර්වාදර්ශයක් වනු ඇත, අනාගත ජනාධිපතිවරුන් ද එසේ කිරීමට දිරිගන්වනු ඇත." ඔහු විස්තර කළේය.
නඩුව අතර තුර දේශපාලන අවශ්‍යතා මත තමන් ඉලක්ක කර ගනිමින් නඩු පවරා ඇති බවටද හිටපු ජනාධිපතිවරයා චෝදනා කර තිබුණි.
ට්‍රම්ප්ගේ විරෝධතාකරුවන් සියගණනක් ඔහුව අධිකරණයට ඉදිරිපත් කරන විට අධිකරණයෙන් පිටත රැස්ව සිටියහ. නමුත් ඔහුට ට්‍රම්ප්ට ආචාර කරන්නට බැරි විය.
උසාවි කටයුතු වලින් පසු ට්‍රම්ප්ගේ වරද තහුවුරු කිරීමක් දැන් සිදුව ඇති අතර එරට නීතිමය පටිපාටිය අනුව ට්‍රම්ප්ට ලැබෙන දඩුවම් නියම කිරීම තවත් උසාවි පෙනී සිටීමකදී සිදුවේ. එතෙක් ඔහු ෆ්ලොරිඩාවේ රඳවා තැබෙනු ඇත.
0 Comments