සුවහසක් ශ්‍රී ලාංකිකයන් අතර ඉතාම ජනප්‍රිය පානයක් වන ලින්ක් සමහන්, ඉන්දියාවේ ජනප්‍රිය වැඩසටහනකදී කතාබහට ලක් වී තිබේ. Kaun Banega "Crorepati" වැඩසටහන, ඉන්දියාවේ ඉතා ජනප්‍රිය ප්‍රශ්න විචාරාත්මක වැඩසටහනක් වන අතර, එය මෙහෙයවන්නේ ප්‍රවීණ මෙන් ම ජනකාන්ත සිනමා නළු අමිතාබ් භච්චන් විසිනි.
වැඩසටහනට සහභාගී වීමට කැමති පුද්ගලයන් එයට අයදුම් කරන අතර, ඔවුන්ගෙන් තෝරාගන්නා පිරිසකට මේ වැඩසටහනට සහභාගී වීමට අවස්ථාව ලැබේ. එයින් තෝරාගැනෙන පුද්ගලයන්ගෙන්, වැඩසටහන මෙහෙයවන්නා සාමන්‍ය දැනීම ප්‍රශ්න අසන අතර, ඒවාට සාර්ථක පිළිතුරු ලබාදෙන පිරිසට මුදල් ත්‍යාග පිරිනැමේ.
පසුගිය දිනෙක මෙම වැඩසටහනට සහභාගී වූ කාන්තාවක්, වැඩසටහන අතරතුරදී කැස්ස තත්ත්වයකින් පෙළී ඇති අතර, අමිතාබ් භච්චන් විසින් ඒ අවස්ථාවේදී, කැස්ස සඳහා ගුණදායි පානයක් ඔහු සතුව ඇති බවත්, එහි නම සමහන් බවත් පවසමින් මොහොතකට රූගත කිරීමෙන් ඉවතට ගියේ ය. ඉන් පසුව යළිත් පැමිණෙන ඔහු, සමහන් පානයක් රැගෙන විත් එම කාන්තාවට ලබා දෙන්නේ එයින් කැස්ස සුවවන බව පවසමිනි.
වටිනා ඖෂධ රැසක සුසංයෝගයක් රැගත් මෙවන් අපේම නිෂ්පාදනයක් මෙලෙස කතාබහට ලක්වීම සතුටට කරුණක් නොවේද?
){kind=link}
0 Comments