ජනාධිපති ආර්යා මහාචාර්ය මෛත්‍රී වික්‍රමසිංහ මහත්මිය සිකුරාදා ලන්ඩනයේ පොදුරාජ්‍ය මණ්ඩලීය මහලේකම් කාර්යාලයේ දී "ප්‍රබෝධමත් වෙනසක්: පොදුරාජ්‍ය මණ්ඩලයේ ගැබ්ගෙල පිළිකා තුරන් කිරීම සඳහා එක්වෙමු" යන මැයෙන් පැවති සංවාද පිළිසඳරකට සහභාගී වූවාය.
මෙම උත්සවය පොදුරාජ්‍ය මණ්ඩලීය කලත්‍රයන් සහ හවුල්කරුවන්ගේ වැඩසටහනේ කොටසක් වූ අතර එයට ශ්‍රී ලංකාව, රුවන්ඩාව, බහමාස්, ඝානා, නයිජීරියාව සහ සැම්බියාවේ ජනාධිපති ආර්යාවන් එක්ව සිටියහ. රුවන්ඩා ආර්යාව ජෙනට් කගමේ සභාපතිනිය ලෙස කටයුතු කළ අතර ජනාධිපති ආර්යාවන් සංවාදයක නිරත විය.
මහාචාර්ය මෛත්‍රී තම රට තුළ ගැබ්ගෙල පිළිකා තුරන් කිරීම සඳහා පෙනී සිටින ආකාරය සහ මැදිහත්වීම් මෙහෙයවන ආකාරය ගැන කතා කළ අතර දෙවන සැසියේදී ගැබ්ගෙල පිළිකා පිළිබඳ වැඩි මහජන දැනුවත් කිරීම සඳහා සන්ධානයට සහාය විය හැකි ආකාරය ගැන කල්පනා කිරීමට ඇය අනෙක් අය සමඟ සම්බන්ධ වූවාය.
0 Comments