ප්‍රශ්නෙට ඇමෙරිකානු පුරවැසියෙකු මැදිහත් වුණා - මම ජනාධිපතිවරණයට ඉදිරිපත් වෙනවා - ජනක

මහජන උපයෝගිතා කොමිෂන් සභාවේ හිටපු සභාපති ජනක රත්නායක මහතා සමග පැවති පුවත්පත් සාකච්ඡාවකදී ඔහු දැක්වූ අදහස් පහත පරිදිය.

මහජන උපයෝගිතා කොමිසමේ සභාපති තනතුරේ  සේවා කාලය

වසර දෙකක සේවය කාලයක් හිටියා, මේ වසර දෙක තුළ ලංකාව තුළ ඇති වූ විදුලි අර්බුදයත් සමග ජනතාව වෙනුවෙන් වැඩ ගොඩක් කරත්ත පුළුවන් වුණා. අසාධාරණ ලෙස විදුලි ඛිල ඉහළ දැමීමට සැලසුම් කළ අවස්ථාවල ජනතාවගේ පැත්තෙන් ඉහළින්ම පෙනී සිටියා.


දියුණු වෙමින් තිබෙන රටක් ලෙස වර්තමාන විදුලි බිලජනතාවට දරාගන්න පුළුවන්ද?

අවුරුදු 75ක් තිස්සේ අපේ රට දියුණු වෙමින් තියෙන රටක් කියල තමයි කියන්නේ. මේකෙ අවසානයක් අපිට දකින්නට නැහැ. මොකද දේශපාලනඥයන් ඊට දියුණු කරන්නෙ නැතිව වෙන වෙන දේවල් කළා. දැන් මේ රට දියුණු වෙමින් තියෙන රටක් නෙවෙයි බංකොලොත් වෙච්ච රටක්. මේ ආකාරයට බංකොලොත් වෙච්ච රටක මූලික අවශ්‍යතාවන් වා සපුරාගන්න බැරි විශාල ජන කොටසක් ඉන්නවා. මෙය ප්‍රතිශතයක් ලෙස ගත්තොත් සමස්ත ජනගහනයෙන් 50%ක් වගේ ප්‍රමාණයක්. මේ තත්ත්වය තුළ හා පෙබරවාරි මාසයේදී සිදුකළ විදුලි බිල වැඩි කිරීම නිසා ජනතාවට විදුලි බල ගෙවාගත්ත බැහැ. මොකද පෙබරවාරි මාසයේදී අධික ලෙස විදුලි බිල ඉහළ දැමීම්මේ දුප්පත් ජනතාව පරිභෝජනය කරන කාණ්ඩවලට. ඒක නිසා විදුලි පරිභෝජනය අඩු වුණා.

තනතුරින් ඉවත් වෙලා ගෙදර ගිහින් මොනවද කරන්නේ?

මම ව්‍යවසායකයෙක්. ඒක නිසා මම ගෙදර ගියා කියල විශ්‍රාම ගත්තෙ නෑ ඒ වගේම මේ වන විට රට අනතුරකට පත්වෙලා තියෙන්නේ, ඒක නිසා මට විශ්‍රාම සුවයෙන් කාලය ගතකරන්න බෑ. මම ඉදිරියේදී විදුලි පාරිභෝගික ජනතාවගේ ගැටලු පිළිබඳව හා ජනතාවට ඇතිවෙන වෙනත් ගැටලු පිළිබඳව දිගටම පෙනී සිටිනවා.


තනතුරින් ඉවත් කිරීමට අදාළව එල්ල වූ චෝදනා?

වර්තමාන ජනාධිපතිතුමා අගමැති වූ කාලයේදිම කිව්වා 113 දෙන්න මම අයින් කරන්න කියලා. එහෙම ගත්තාම මම අයින් කරන්න

වසරක කාලයක පමණ සිට සැලසුම් කළා. ඒ වගේම උසස් පෙළ විභාගය වැත්වෙන කාලයේදී විදුලි කප්පාදුවකට ගියා. ඒ අවස්ථාවේදි මම කිව්වා විදුලිය කප්පාදු  කරන්න එපා කියලා, මීට අමතරව විදුලි බිල නීතිවිරෝධී ලෙස ඉහළ දාන්න එපා කියලත් කිව්වා. ඊට පස්සේ ගස්ටනය වැඩි උතා. ඒකෙ ප්‍රතිඵලයක් අනුව තමයින් ව්‍යවස්ථානුකූලව මාව ඉවත් කළේ. මෙම ඉවත් කිරීමේ වැඩපිළිවෙළ යට ඇමරිකානු පුරවැසිභාවය හිමි පුද්ගලයෙකුත් ඉන්නවා. ව්‍යස්ථානුකූලව මම ඉවත් කරන්න ගත්ත තීරණය පිළිගන්නවා. නමුත් චෝදතා ප්‍රතික්ෂේප කරනවා.

කොමිසමේ වැඩ කරන්න ගෙදරින් බඩු අරන් ආවේ ඇයි?

ඒක මගේ පුරුද්දක්. 2008 හා 2012 වසරේත් මම විවිධ ආයතනවල වැඩ කරලා තියෙනවා. ඒ අවස්ථාවේදිත් මම භාවිත කළේ මගේ ගෘහභාණ්ඩ. ඒ පුරුද්ද අනුව තමයි මගේ ගෘහභාණ්ඩ ගෙන්නලා කොමිසමේ වැඩ කළේ. කොමිසමේ තිබුණු මගේ ගෘහභාණ්ඩ විවාදයට කලින් දවසේ ඉවත් කර ගත්තා.

ජනතාව වෙනුවෙන් පෙනී සිටි නිසා ගෙදර යන්න සිදුවුණා කියලා දුකක් තියෙනවද?

සිංහයෙක් වගේ එක දවසක්  වැඩ කරලා ජීවත් වෙන එක සැපයි, නිවටයෙක් වගේ අවුරුදු ගාණක් වැඩ කරනවට වඩා, මගේ ක්‍රමය තමයි මට වැඩක් දුන්නම අදාළ රාජකාරිය ඒ ආකරයටම කරන එක. රාජකාරිය ඒ ආකාරයට කරනකොට එන දේශපාලන බලපෑම් තියෙනවා. ඒ කියන්නේ එයා ජනාධිපතිද, කැබිනට් මණ්ඩලයේද කියන එක මට වැදගත් නැහැ, රාජකාරිය හරියට  කරනකොට වෙනත් අය කියන කතා මට වැඩක් නෑ.

විදුලි බල මණ්ඩලය ඇයි මෙතරම් පාඩු ලබන්නේ?

විදුලි බල මණ්ඩලයේ පාඩුව නිසා අවස්ථා දෙකකදී විශාල ලෙස විදුලි බිල ඉහළ දැම්මා. ඒත් විදුලි බල මණ්ඩලය පාඩුයි. හැබැයි විදුලි බිල ඉහළ දැම්මේ පාඩුව නැති කරගන්න. විදුලි බල මණ්ඩලයට තියෙන්නේ මුදල් ප්‍රශ්නයක් නෙවෙයි. කළමනාකරණය පිළිබඳ ප්‍රශ්නයක්. විදුලි බල මණ්ඩලයට රුපියල් බිලියන සියයක් දුන්නත්, විදුලි බිල සියයට සියයකින් වැඩි කළත්පාඩුයි. ඒක නිසා මුලින්ම විදුලි බල මණ්ඩලයේ මූල්‍ය පරිපාලනයක් ඇතිකරන්න අවශ්‍යයි.


ඔබ කියන ආකාරයට 27%කින් විදුලි බිල අඩු කළයුතුයි කියන කතාව වැරදියි කියලා විෂය භාර අමාත්‍යවරයා සදහන් කරනවා.

එතැනදි කියන්නේ බොරු සංඛ්‍යාලේඛන, මම කියන්නේ සත්‍ය කතාව. මම කියන්නේ විදුලි පරිභෝජනය අඩු වීම නිසා, ඉන්ධන ගල්අගුරු මිල අඩු වීම නිසා හා රුපියල ශක්තිමත් වීම නිසා 27%කින් විදුලි බ්ල අඩුවෙන්ත ඕන කියලයි. විෂය භාර ඇමතිතුමා කියන්නේ 0ත් 30ත් අතර අයට 29%කින් විදුලි බිල අඩු කරනවා කියලා. ඒත් පසුගිය කාලයේදී මෙම කාණ්ඩයේ අයගේ විදුලි බිල 1200%කින් ඉහළ ගියා. මම කියන්නේ සම්පූර්ණ කාණ්ඩවලට විදුලි බිල 27%කින් අඩු කරන්න පුළුවන් කියලා. අධික ලෙස විදුලි බිල ඉහළ දමලා 29%කින් එක් කාණ්ඩයකට පමණක් විදුලි බිල අඩු කළාම හරිද? ඒ වගේම ඒකක 30 හෝ 60, 90 භාවිත කරන දුප්පත් ජනතාවගේ විදුලි බිල විශාල ලෙස අඩු කළ යුතුයි. පෙබරවාරි මාසයේදිත් මම කිව්වේ ඒක. ඒත් ඒ දේවල් පැත්තකින් දාලා දුප්පත් ජනතාවගේ විදුලි බල අධික ලෙස ඉහළ දැම්මා.

පුනර්ජනනීය බලශක්ති වැඩපිළිවෙළේ වර්තමාන තත්ත්වය

මහජන උපයෝගිතා කොමිසම පුනර්ජනනීය බලශක්තිය ඉහළ දැමිය යුතුයි කියලා කිව්වේ 2017 වසරේදී, එතකොට විදුලි බල මණ්ඩලය ඒකට කැමති උනේ නෑ. අපි කිව්ව විදිහට කළා නම්, මේ වන විට පවතින විදුලි අර්බුදයක් ඇතිවෙන්නේ නෑ. ඒත් දැන් කියනවා පුනර්ජනනීය විදුලි වැඩපිළිවෙළ කරන්න ඕන කියලා.

දේශපාලනයට පැමිණීම

දේශපාලනය ගැන මම පසුගිය දවසක කතාවක් කිව්වා. ඒ පිළිබඳව පෙරේදා පාර්ලිමේන්තු මන්ත්‍රීවරුන් කිහිපදෙනෙකු විහිඵවට අරගෙන කතා කළා. මම ජනතාවත් සමග ඉන්න කෙනෙක්. ඒ වගේම මම කෙළින් කතා කරන කෙනෙක්. ඒක නිසා සුපිරි වෙළෙඳ ලකට ගියත්, විදේශ රටකට ගියත් අපේ රටේ ජනතාව කියන්නේ මේ ක්‍රමය වෙනස් කරන්න ඕන කියලයි. ඒ අය වගේම ආගමික නායකයත් ත්‍වා කියනවා දේශපාලනයට එන්න කියලා. ඒ අනුව මම දැන් තීරණය කරලා තියෙනවා මහජනතාවට සේවය කරන්න ඕන කියලා.

නමුත් මන්ත්‍රීවරයෙක් වෙලා පාර්ලිමේන්තුවට ගිහිල්ල හරි, ඇමැති කෙනෙක් වෙලා හරි මේ ක්‍රමය වෙනස්කරන්න බැහැ. ඒක නිසා ඊට උඩින් තියෙන තනතුරකට මම පත්වෙන්න ඕන. ජනතාව හිතනවා නම් මම දේශපාලනයට පැමිණිය යුතුයි. කියලා මම ජනාධිපතිවරණයට ඉදිරිපත් වෙන්න සූදානම්. කොහොමද එන්නේ, කවදද එන්නේ කියන එක ඉදිරියේදී තීරණය කරන්න පුළුවන්.

සභාපති තනතුරින් කරන්න බෑරි දේවල් ජනාධිපති වෙලා කරන්න පුළුවන්ද?

මම වැඩ කරපු කෙනෙක් මම සභාපති තනතුරු දරපු කාලය තුළදී ඇමතිවරුන් 05දෙනෙකු මේ විෂයට හිටියා. ඒ කියන්නේ මේ ක්‍රමය තුළ ඇමැති කෙනෙකු වශයෙන් හෝ වැඩ කරන්න බැහැ. ඒක නිසා කරන්න තියෙන එකම දේ තමයි ජනාධිපති තනතුරට ගිහිල්ලා මහජනතාව සමග සාකච්ඡා කරලා, මහජනතාවගේ උපදෙස් මත, මහජනතාව සමග රට දියුණු කරන එක, එහෙම නැතුව ණය අරගෙන රට දියුණු කරන්න බැහැ. ණය අරගෙන මිනිහෙකුට හෝ පවුලකටවත් දියුණු වෙන්ත බැහැ. ඒක රටටත් පොදු කාරණයක්. මේණය ගෙවත්ත නම් රටේ ආදායම් වැඩිකරන්න ඕන. ඒකට සුදුසු කෙනා මම කියලා ජනතාව තීරණය කරනවා නම් ඒකට මම ලෑස්තියි. මම ඉදිරි ජනාධිපතිවරණයට ඉදිරිපත් වෙන්න තීරණයක් අරගෙන තියෙන්නේ.

ඔබ තනතුරින් එකපාර ඉවත් කරන්න බැරි වුණේ ඇයි?

හිටපු ජනාධිපති ජේ.ආර් ජයවර්ධන මහත්තයා කිව්වා විධායක ජනාධිපතිවරයෙකුට කළ නොහැකි වන්නේ ගැහැනියෙක් පිරිමියෙක් කරන එකත්, පිරිමියෙක් ගැහැනියක් කරන එකත් විතරයි කියලා. ඒත් ඒක දැන් බොරු වෙලා තියෙන්නේ. මොකද මම ඉවත් කරන්න විධායක ජනාධිපතිවරයාට නොහැකි වුණා. ඒකට පාර්ලිමේන්තුවට යන්න වුණා. එක් පුද්ගලයෙකු බේරගන්න විපක්ෂයේ මන්ත්‍රීවරුන් කිහිපදෙනෙකු හැරෙන්න හැමෝම එකට එකතු වුණා.

ඔබ ඉවත් කරන්න ඇමෙරිකානු පුරවැසියෙකු මැදිහත් වුණා කිව්වට ඔබ සභාපති තනතුරට පත් කළෙත් එම කණ්ඩායමේ කෙනෙක් නේද?

මේ වගේ පත්වීම් හැම එකක්ම කරන්නේ දේශපාලන මැදිහත්වීම් අනුව. මෙතැනදි පත්කරන ක්‍රමවේදයකුත්, ඉවත්කරන ක්‍රමවේදයකුත් තියෙනවා. මේ ආකාරයේ පත්වීම් ගත්තාම 99%ක්ම සිදුවෙන්නේ දේශපාලන දැන හැදුනුම්කම් මත, නැතුව අල්ලපු ගෙදර එකාට පත්වීම් · දෙන්නෙ නෑ. උගත්කම අනුව අදාළ පත්වීම දෙන්න ගියා නම් විශ්වවිද්‍යාල වහලා, මහාචාර්යවරුන්ට ඔය තනතුරු ටික දෙන්න පුළුවන්නේ. මේ ආකාරයට රැකියාව ලැබුණත්, හරි ක්‍රමයට වැඩ කරන්න ඕන. මම කළේ හරි විදිහට. ඒකට දේශපාලනඥයන් කැමති නැහැ. දේශපාලනඥයන්ට ඕන පෙබරවාරි මාසේ විදුලි බිල වැඩි කරන්න කිව්වාම ’යර්ස් සර්' කියලා කියන අය. හැබැයි ඒ අය දන්නෙ නෑ වැඩි කළේ මොකක්ද, අඩු කළේ මොකක්ද කියලා.

 සාකච්ඡා සටහන - ඉන්දික හේවාවිතාරණ