සිංගප්පූරුවේදී මියගිය නදීකා දිල්හානිගේ දේහය අද (20) උදෑසන කටුනායක ගුවන් තොටුපළින් ශ්‍රී ලංකාවට රැගෙන ආ අතර මේ මරණය ගැන පරීක්ෂණයක් ඥාතීන් ඉල්ලා සිටි නිසා මෘත දේහය මීගමුව රෝහල වෙත රැගෙන ගොස් තිබේ.
මෘත දේහය භාරගන්න අවස්ථාවට මියගිය නදීකාගේ මව ඇතුළු ඥාතීහු පැමිණ සිටියහ.
නදීකාගේ මව මෙහිදී මාධ්‍ය අමතා මෙසේ කියා සිටියාය.
'මේ ගැන ලොකු සැකයක් තියනවා.එයා හැමවෙලේම කිව්වා මේ මිනිස්සු හරීම වසයි.මං කවදාවත් මේ වගේ වස මිනිස්සු දැකල නැහැ. වතුර උගුරක් මට දෙන්නෙ නැහැ.මට කන්න වෙලාවක් දෙන්නෙ නැහැ. මට චුට්ටක් ඉඳගන්නවත් දෙන්නෙ නැහැ.එයාගෙ ඉරිදා නිවාඩුවවත් දීලා තිබුනෙ නැහැ.ෆෝන් පාවිච්චිය තහනම්. උදේ 6ට ගත්තාම රෑ 11.30ට ආයෙ ෆෝන් එක දෙන්නෙ.
ගෙදරට දෙමාපියෙකුට කථාකරන්න හැටියක් නැහැ.නිවාඩුත් නැහැ. උඹට කොහෙටද නිවාඩු තියෙන්නෙ කියලා. මේකෙන් එලියට යන්න බැහැ කියල.ඕකට වෙලා ඉඳින් කියල ඒ කාමරේකට කොටු කරා කිව්වා.
ඒක කිව්වෙ මට එදා 1 ට විතර. එයා 3 වෙනකොට මේක කරගෙන මට හිතෙන හැටියට.මං යවපු මැසේජ් මොකුත් බලල තිබුනෙ නැහැ. පනින්න එන කෙනා කොහොමත් දූවල ගිහින් පනිනවනේ.රූපයක් පේනව අතින් මෙහෙම කර කර තර්ජනය කරනවා මෙයාට.
ගහල දැම්මද දන් නැහැ. අපි ඉල්ලනව එහේ සීසීටීවී කැමරා ඇති ඒව බලයි කියල. එයාලා ගෙයි හැමතැනම සීසීටීවී කැමරා තියනවලු.රජය මැදිහත් වෙලා ඒක චෙක් කරන්න ඕන.
ලොකු පීඩනයකින් එයා හිටියා. ඒ නිසා මේක ගැන මං පරීක්ෂණයක් ඉල්ලනවා. සැක සහිතයි මට මේ මරණේ'
0 Comments