තුන්වන චාල්ස් රජු කිරුළු පැළඳූ ලන්ඩනයේ වෙස්ට්මිනිස්ටර් ඇබේ සිට සැතපුමක් පමණ දුරින්, ඔහුගේ යටත්වැසියන් දහස් ගණනක් රාජාණ්ඩුවට එරෙහිව විරෝධතා දැක්වූ අතර අවම වශයෙන් පුද්ගලයින් හත් දෙනෙකු පොලිසිය විසින් රඳවා ගනු ලැබීය.
ලන්ඩනයේ ට්‍රැෆල්ගාර් චතුරශ්‍රයේ විරෝධතාව පැවති අතර රාජාණ්ඩු විරෝධී 'රිපබ්ලික්'කණ්ඩායමේ නායක ග්‍රැහැම් ස්මිත් ද රඳවාගන්නා ලදි.
ලන්ඩනයේ මෙට්‍රොපොලිටන් පොලිසිය ඔහු රඳවා තබාගන්නට පෙර මාධ්‍ය වෙත අදහස් දක්වා තිබුනේ දෙවන එලිසබෙත් රැජින “රාජාණ්ඩුවක රැජින වූ” නමුත් චාල්ස්ට, "ඒ කිසිවක් උරුම වී නැත" - ඔහු සිංහාසනයට පිවිසීම අනවශ්‍ය උත්සාහයක් බවයි.
ජස්ට් ස්ටොප් ඔයිල් නම් පරිසර ක්‍රියාකාරික කණ්ඩායමේ සාමාජිකයින් ද බකිංහැම් මාලිගයෙන් පිටත The Mall හිදී අත්අඩංගුවට ගෙන ඇති අතර විරෝධතාකරුවන් විශාල පිරිසකට මාංචු දමා තිබුණි.
පොලීසිය - කිසිම හේතුවක් ඉදිරිපත් නොකර - රාජාණ්ඩු විරෝධී විරෝධතාවයේ සංවිධායකයින් අත්අඩංගුවට ගැනීම විවේචනයට බඳුන්ව ඇත.හියුමන් රයිට්ස් වොච් පැවසුවේ, රාජාභිෂේක අත්අඩංගුවට ගැනීම් “ඔබ ලන්ඩනයේදී නොව මොස්කව්හිදී දැකීමට අපේක්ෂා කරන දෙයක්” බවයි.
0 Comments