ප්‍රකට ආර්ථික විශේෂඥ අමල් සඳරත්න දිවි නසාගනී

ප්‍රකට ආර්ථික විශේෂඥයෙක් වූ අමල් සඳරත්න මහතා ඔහු වාසය කළ කොළඹ රොස්මිඩ් පෙදෙසේ පිහිටි නිවාස සංකීර්ණයක 07 වන තට්ටුවෙන් පැනීමෙන් ජීවිතක්ෂයට පත්වී ඇති බව පොලීසිය පවසයි.මියයන විට ඒ මහතා 47 වන වියේ පසුවූ අතර ඔහු මානසික අවපීඩනයෙන් කල්ගත කළ අතර මරණය සියදිවි නසාගැනීමක් ලෙස සැක කෙරේ.
සාර්ව ආර්ථිකය සම්බන්ධයෙන් පර්යේෂණ සිදුකරන ෆ්රෝන්ටියර් රිසර්ච් ආයතනයේ නිර්මාතෘ සහ ප්‍රධාන විධායක ලෙස ඔහු කටයුතු කළේය.‍

ඔහුගේ මරණය සමග
ශ්‍රී ලංකාවේ මූල්‍ය වෙළෙඳපොළ පර්යේෂණ ක්ෂේත්‍රයට ප්‍රසිද්ධ චරිතයක් අහිමි වී ඇත.
මානසික අවපීඩනය සහ කාංසාව සමඟ දිගුකාලීන සටනක නිරතවූ ඔහු ඒ සඳහා ප්‍රතිකාර ලබමින් පසුවූ බවද වාර්තා විය.
අමල් සඳරත්න දකුණු හා මධ්‍යම ආසියාව පුරා ප්‍රසිද්ධය. ඔහු ලන්ඩන් ආර්ථික විද්‍යා පාසලේ ආදි සිසුවෙකි.

සීමාසහිත ෆ්‍රොන්ටියර් රිසර්ච් පුද්ගලික සමාගම ට අමතරව, ඔහු Keells Food Products Plc හි අධ්‍යක්ෂ මණ්ඩලයේ සේවය කරයි.
මීට පෙර, සඳරත්න මහතා Jardine Fleming HNB Securities (Pvt) Ltd හි ප්‍රධාන-පර්යේෂණ තනතුර හෙබවීය. ඔහු සිය උපාධි අපේක්ෂක පුහුණුව සඳහා London School of Economics and Political Science වෙත සහභාගී විය.