ෂාරුක්ගේ ඊළඟ හිට් එක 'ජවාන්' ළඟදීම එළියට

ෂාරුක් ඛාන් සිය ට්විටර් ගිණුමට ගොස් ජවාන් චිත්‍රපටයේ නව චලන පෝස්ටරයක් බෙදාගෙන තිබූ අතර පූර්ව ප්‍රචාරක පටයද නිකුත් කළේය.

බොලිවුඩ් සුපිරි නළු ෂාරුක් ඛාන්ගේ පෙර චිත්‍රපටය Pathaan (පතාන්) බොක්ස් ඔෆිස් වාර්තා බිඳ හෙළමින්  කැළඹීමක් ඇති කළේය. ඔහු දැන් ඇට්ලී විසින් අධ්‍යක්ෂණය කරන ලද ජවාන් නම් මීළඟ නිකුතුව සඳහා සූදානම් වෙමින් සිටී.

චිත්‍රපටිය ප්‍රකාශ කළ දා සිටම රසික රසිකාවියන් ඒ ගැන කුතුහලයෙන් පසුවෙනවා. මෑතකදී, SRK ජවාන් හි ප්‍රචාරක පටය නිකුත් කරන දිනය හෙළි කිරීමත් සමඟ ඔහුගේ රසිකයින්ගේ උද්යෝගය තවත් වැඩි විය.

සිය ට්විටර් ගිණුමට සටහනක් තබමින් SRK ජවාන් චිත්‍රපටයේ නව චලන පෝස්ටරයක් බෙදා ගත්තේය. ඒ සමඟම, ඔහු ලිව්වේ, “Main punya hoon ya paap hoon?… Main bhi aap hoon…(“මේන් පුණ්‍යා හූන් යා පාප් හූන්?... මේන් භි ආප් හූන්...) #ජවාන් පූර්ව ප්‍රචාරක පටය ජුලි 10ද නිකුත් වන අතර  2023 සැප්තැම්බර් 7 වැනි දින ජවාන් චිත්‍රපටය ලොව පුරා හින්දි, දෙමළ සහ තෙළිඟු යන භාෂාවන් තුනෙන්මද තිරගත කෙරේ.” යනුවෙනි.

ඔහුගේ මෙම ඉදිරි නිකුතුවට රසිකයෝ සුබ පැතූහ. ඔවුන්ගෙන් එක් අයෙක් මෙසේ ලිවීය: “විශිෂ්ටයි, ඔබ අසාමාන්‍ය ලෙස දක්ෂයි. අප ඔබට ආදරය හා ගෞරවය කරනවා   #Jawan (ජවාන්) චිත්‍රපටයේ ඔබ නිරූපණය කරන චරිතය  ගැන නොඉවසිල්ලෙන් බලා සිටිනවා” යනුවෙනි.

තවත් අයෙක් ලිව්වේ, “ඒ සඳහා සූදානම්..තවත් බ්ලොක්බස්ටර් එකක් පැමිණෙයි”  යනුවෙනි. ඔවුන්ගෙන් එක් අයෙක් එකතු කළේ, "තවත් මෙගා බ්ලොක්බස්ටර් එකක් පැමිණෙයි”  යනුවෙනි.  

මධ්‍යම චිත්‍රපට සහතික කිරීමේ මණ්ඩලය (CBFC) ජවාන් චිත්‍රපටයේ පූර්ව ප්‍රචාරක පටයට U/A සහතිකයක් ලබා දී ඇත. මෙයින් අදහස් කරන්නේ ප්‍රචාරක පටය කිසිදු සීමාවකින් තොරව මහජන නැරඹීම සඳහා සුදුසු නමුත් වයස අවුරුදු 12 ට අඩු ළමුන් සඳහා දෙමාපියන්ගේ මඟපෙන්වීම යටතේ නැරඹීමට උපදෙස් ලබා දෙන බවයි. CBFC හි නිල වෙබ් අඩවියට අනුව, Jawan (ජවාන්) පූර්වව ප්‍රචාරක පට කාලය මිනිත්තු 2 යි තත්පර 15 කි.

Jawan (ජවාන්) චිත්‍රපටයේ Nayanthara (නයනතාරා) සහ Vijay Sethupathi (විජෙයි සේතුපති) ද රංගනයෙන් දායක වේ. SRK මීට පෙර, ට්විටර් හි AMA  සැසියක් හරහා, සේතුපති චිත්‍රපටයේ ප්‍රතිවාදියා බව තහවුරු කර තිබුණි.

පීටීඅයි (PTI) සමඟ සම්මුඛ සාකච්ඡාවකට එක්වෙමින් සේතුපති පැවසුවේ “මම ඇට්ලි සහ ෂාරුක් සර් සමඟ ජවාන් චිත්‍රපටයේ වැඩ කිරීම තුලින් හොඳ කාලයක් ගත කළෙමි. ඔහු (ඛාන්) මහත්මයෙක්,  "මම වසර ගණනාවක් ක්‍ෂේත්‍රයේ සිටි බවත් මම සුපිරි තරුව බවත්" ඔහු කිසි විටෙකත් පෙන්වන්නේ නැත. මම ඔහු සමඟ ඉතා සුවපහසු වූ අතර ඔහු ඉතා කරුණාවන්ත ය. ” ලෙසයි.

ජවාන් සැප්තැම්බර් 7 වැනිදා සිනමාහල්වල තිරගත වීමට නියමිතයි.