නිවාස ඉදිකර දෙන බවට සහ ණය පහසුකම් මත නිවාස ඉදිකර දෙන බවට පවසා අන්තර්ජාලය ඇතුළු විවිධ මාධ්‍ය ඔස්සේ පුළුල් ප්‍රචාරයක් ලබාදෙමින් රුපියල් කෝටි 2කට ආසන්න මුදලක් වංචා කළ පෞද්ගලික ඉදිකිරීම් සමාගම් හිමිකරුවකු අත්අඩංගුවට ගැනීම සඳහා පොලිසිය මහජන සහය ඉල්ලයි. මෙම සැකකරුට එරෙහිව 14 දෙනකුගෙන් නුගේගොඩ කොට්ඨාසයේ මිරිහාන විශේෂ අපරාධ විමර්ශන අංශය වෙත පැමිණිලි ලැබී ඇති බව පොලිසිය පවසයි.
මෙම පැමිණිලිකරුවන්ට පමණක් සැකකරු රුපියල් එක්කෝටි අනූ දෙලක්ෂ පහළොස් දහසක (192,15,000) මුදලක් වංචා කර ඇති බව පොලිස් මූලස්ථානය කියයි. පොලීසිය මගහරිමින් සැඟවී සිටින ඉහත ඡායාරූපයේ සිටින පුද්ගලයා සම්බන්ධයෙන් තොරතුරක් වෙතොත් නුගේගොඩ කොට්ඨාස භාර පොලිස් අධිකාරිවරයාගේ 071 8591641 දුරකථන අංකයට හෝ විශේෂ අපරාධ විමර්ශන අංශයේ ස්ථානාධිපතිවරයාට 011 2852556, 071 - 8137373 අංක ඔස්සේ අමතා තොරතුරු ලබාදෙන ලෙස පොලිස් මාධ්‍ය අංශය මහජනතාවගෙන් ඉල්ලීමක් කරයි.
ඉන්දිකා රාමනායක
0 Comments