ඊයේ (30) කොළඹ ආර්.ප්‍රේමදාස ක්‍රිකට් ක්‍රීඩාංගණයේ පැවති ලංකා ප්‍රිමියර් ලීග් තරගාවලියේ (LPL) 2023 සමාරම්භක උළෙලේ දී ජාතික ගීය ගායනා කිරීමේ අවස්ථාව ලැබුණ ජනප්‍රිය ගායිකා උමාරා සිංහවංශ එහි වචනයක් පුනපුනා වරද්දා භාවිත කරමින් ගායනා කිරීම නිසා සමාජ මාධ්‍ය තුළ කතාබහක් මතුව තිබේ.
‘නමෝ නමෝ මාතා’ වෙනුවට ‘නමෝ නමෝ මහතා’ ලෙස ගායනා කළ ඇය එහි අරුථ නොදැන හෝ එහි පදවැල ගැන නිසි අවබෝධයකින් තොරව ගායනයේ යෙදුණ බව බොහෝ දෙනාගේ මතය විය.
භාතිය සංතුෂ් කණ්ඩායම් සාමාජිකාවන්ව සිටි උමාරා සහ උමාරියා සොයුරියන් දෙදෙනාම පසුගිය කාලයේ ජනප්‍රිය ගායනාවන් නිසා ප්‍රකට විය.
ඔවුන් උපත ලැබුවේ වෘත්තීය සංගීතවේදීන්ගේ පවුලකය. පියා ටෝනි සිංහවංශ සහ මව අයේෂා සිංහවංශ විය. උමාරාට සහෝදරයන් දෙදෙනෙක්ද සිටී.
උමාරා මුස්ලිම් කාන්තා විද්‍යාලයේ අධ්‍යාපනය ලැබූ අතර ජාත්‍යන්තර ගායන තරඟ තුනකට ශ්‍රී ලංකාව නියෝජනය කර ඇත, සහ ශ්‍රී ලංකාවේ සමස්ත ලංකා ගායන තරඟ වලදී ප්‍රථම ස්ථානය දිනා ඇතැයි සඳහන් කර තිබේ.
උමාරා ජනප්‍රිය ගායන යුගලයක් වන භාතිය සහ සන්තුෂ් සමග මුලින් සම්බන්ධ වූයේ ශ්‍රව්‍ය ඉංජිනේරුවරිය ලෙසිනි.
චිත්‍රාල් සෝමපාල සමග ගැයූ කස්තුරි සමඟින් "වස්සානයට", "ෂහීනා", "සිහින කෝ" සහ "මලක් තිබ්බා" ඇගේ නම ගිය ගායනාවන් විය.
Risky Fahmi සමග විවාහවූ පසු ඇය හොංකොං වෙත සංක්‍රමණය වූ අතර එහිදී ඇය Dylan Lye යටතේ ජෑස් කලාව ප්‍රගුණ කළාය. හොංකොං හි වසර 6 ක කාලය තුළ, ඇය චීන සංගීත කන්ඩායම්වලටද එක්ව සිටි බව කියැවේ. 2017 හි හොංකොං සිට ආපසු පැමිණීමෙන් පසු, උමාරා සිය ඇකඩමිය වන උමාරා මියුසික් ස්ටූඩියෝ (යූඑම්එස්) දියත් කළ අතර එය සියලුම වයස්වල සිසුන් සඳහා සංගීතය සහ වාචික පුහුණුව දැනටමත් උගන්වමින් සිටී.
ප්‍රේම වඩා සැම හේද දුරැර දා නමෝ නමෝ මහතා
අප ශ්‍රී........ ලංකා නමෝ නමෝ නමෝ නමෝ මහතා---------- විකෘති කළ ජාතික ගීතය පහතින්
0 Comments