කැනඩා අගමැති ටෘඩෝ සහ බිරිඳ සොෆී විවාහයෙන් වසර 18කට පසු වෙන් වෙති

කැනේඩියානු අග්‍රාමාත්‍ය ජස්ටින් ටෘඩෝ සහ ඔහුගේ බිරිඳ සොෆී බදාදා ප්‍රකාශ කළේ යුවළගේ 18 වසරක විවාහයේ අවසානය සනිටුහන් කරමින් ඔවුන් වෙන් වන බවයි.

මෙම යුවළ ඔවුන්ගේ සම්බන්ධතාවයේ දුෂ්කරතා ගැන අතීතයේ දී කතා කර ඇති අතර මෑත වසරවලදී ඔවුන් දෙදෙනා ප්‍රසිද්ධියේ එකට පෙනී සිටියේ අවම වශයෙනි.

51 හැවිරිදි Trudeau සහ 48 හැවිරිදි Sophie Gregoire Trudeau 2005 මැයි මාසයේදී විවාහ වූ අතර ඔවුන්ට වයස අවුරුදු 15, 14 සහ 9 යන වයස්වල දරුවන් තිදෙනෙක් සිටිති. 2020 ඔවුන්ගේ සංවත්සරයේදී ඔහු ඇයව විස්තර කළේ "මගේ ශක්තිය, මගේ සහකාරිය සහ මගේ හොඳම මිතුරිය" ලෙසයි.

ටෲඩෝට මෙවැනිම වේදනාකාරී ඉතිහාසයක්  ඇත. ඔහුගේ පියා, එනම් හිටපු අගමැති පියරේ ටෘඩෝ ද, 1977 දී බලයේ සිටියදී ඔහුගේ බිරිඳ මාග්‍රට්ගෙන් වෙන් විය.

විශේෂයෙන් ඔහු පවුල් ජීවිතයේ වැදගත්කම අවධාරණය කරන බැවින්,  2015 දී අගමැති වූ දා සිට ටෘඩෝට ඇති වූ විශාලතම පුද්ගලික අර්බුදවලින් එකක් ලෙස මෙය හැදින්විය හැක.

2025 ඔක්තෝම්බර් වන විට පැවැත්විය යුතු මීළඟ මැතිවරණයට ලිබරල්වාදීන් මෙහෙයවීමට ඔහු සූදානමින් සිටින බව සභිකයන් පැවසූහ.
මැතිවරනයේ පසුපසින් සිටින ඔහුගේ ලිබරල් පක්ෂය ඉහල නැංවීම සඳහා ටෲඩෝ විසින් දැවැන්ත කැබිනට් සංශෝධනයක් එළිදැක්වීමෙන් සතියකට පසුව මෙම යුවළගේ වෙන්වීම නිවේදනය කලේය.

"බොහෝ අර්ථවත් හා දුෂ්කර සංවාද වලින් පසුව, අපි වෙන්වීමට තීරණය කර ඇති බව සොෆී සහ මම දැනුම් දීමට කැමතියි," ලෙස ටෘඩෝ Instagram හි පැවසීය. Gregoire Trudeau ඇයගේම Instagram ගිණුමේත් ඔහුගේ ප්‍රකාශයට බොහෝ දුරට සමාන පණිවිඩයක් පළ කර ඇත.

කැනේඩියානු විකාශන සංස්ථාව පැවසුවේ, ටෘඩෝගේ සමීපතම සගයෙකු වන මහජන ආරක්ෂාව පිළිබඳ අමාත්‍ය ඩොමිනික් ලෙබ්ලාන්ක් බදාදා දිනයේ දී කැබිනට් මණ්ඩලයේ සාමාජිකයින් දැනුවත් කරන බවයි.

සීබීසී  පවසන ආකාරයට, ටෘඩෝ මේ සතියේ වෙන්වීම ගැන ප්‍රසිද්ධියේ කතා කිරීමට ඉඩ තිබේ.

ඔවුන් දෙදෙනා තම දරුවන් ඇති දැඩි කිරීම කෙරෙහි අවධානය යොමු කරන බව අවධාරණය කර ඇති අතර,  ඔවුන් දෙදෙනා ඒ සම්බන්ධයෙන් නීත්‍යානුකූල ගිවිසුමකටද අත්සන් තබා ඇති බව Trudeau කාර්යාලය පවසයි. ලබන සතියේ ඔවුන් සියලු දෙනා එක්ව එකට නිවාඩුවක් ගත කිරීමට සූදානමින් සිටියි.

Gregoire Trudeau ඔටාවා හි වෙනම නවාතැනකට යන නමුත් ඔවුන් අතර ගැටලුවක් නැති බව සහතික කිරීම සඳහා හැකි තරම් අගමැති නිල නිවස වන Rideau Cottage හි දරුවන් සමඟ බොහෝ කාලයක් ගත කිරීමට සැලසුම් කර ඇති බවත්, මෙම යුවළට දරුවන්ගේ ඒකාබද්ධ භාරකාරත්වය හිමිවන බවත් වාර්ථා වෙයි.

විශ්ව විද්‍යාලයේ වාණිජ විෂය හැදාරා ස්ත්‍රී පුරුෂ සමානාත්මතාවය වෙනුවෙන් පෙනී සිටින Gregoire Trudeau, 2003 දී  ඔහුට මුණගැසෙන විට වාර්තාකරුවෙකු ලෙස සේවය කරමින් සිටියේය. ඔවුන් විවාහ වූයේ වසර දෙකකට පසුවය.

ටෘඩෝ 2015 අග භාගයේදී අගමැති වන විට 43 හැවිරිදි වියේ පසුවූ අතර මෙම යුවළ ඉක්මනින් ලෝක මාධ්‍යවල අවධානය දිනා ගත්හ.

2015 ඔක්තෝම්බර් මාසයේදී නිව් යෝර්ක් පෝස්ට් විසින්  ඇයව "ලෝකයේ උණුසුම්ම පළමු කාන්තාව" ලෙස නම් කළේය.

Vogue සඟරාව 2016 ජනවාරි කලාපයේ ඔවුන් දෙදෙනාගේ දීප්තිමත් පැතිකඩක් වාර්ථා කල අතර, ඔවුන් වැළඳගෙන සිටින ඡායාරූපද එක්කර තිබිණි. ටෘඩෝ ගැන සඟරාවේ කියා සිටියේ  "ඔහුගේ බිරිඳ කෙරෙහි දක්වන සෙනෙහස ප්‍රසිද්ධියේ ප්‍රදර්ශනය කිරීමෙන් ඇතැම් පිරිස් කම්පනයට පත් කරන" බවයි.

ටෘඩෝ බලයට පත්වීමෙන් පසු මුල් වසරවලදී, ඔහු සහ සොෆී බොහෝ විට සමාජ උත්සවවලදී සහ විදේශ සංචාරවලදී එකට දක්නට ලැබුණි.

කෙසේ වෙතත් ටෘඩෝ, ඔහු අගමැති වීමට පෙර සිටම පැහැදිලි කළේ, ඔවුන් දෙදෙනා බොහෝ අභියෝගවලට මුහුණ දී ඇති බවයි.  2014 දී ඔහුගේ ස්වයං චරිතාපදානය වන පොදු ග්‍රවුන්ඩ් හි "අපගේ විවාහය පරිපූර්ණ නොවන අතර අපට දුෂ්කර අවස්ථාවන් ඇති" බව දැක්වීය.

මෑත වසරවලදී, Gregoire Trudeau ඇගේ ස්වාමිපුරුෂයා සමඟ ඒකාබද්ධව පෙනී සිටීම සීමා කර ඇති අතර ඔවුන් දෙදෙනා අතර ගැටලුවක් ඇතිබව එයින් පැහැදිලි විය.

පසුගිය වසරේ ඔවුන්ගේ විවාහ සංවත්සරයේදී ඇය සමාජ මාධ්‍ය සටහනක් තබමින් කියා සිටියේ "අපි පීඩාකාරී සහිත දින, තද කුණාටු සහිත දින පසු කෙරූ අතර එය තවමත් අවසන් වී නොමැති බවයි."

ඇය තවදුරටත් පැවසුවේ: "දිගුකාලීන සබඳතා බොහෝ ආකාරවලින් අභියෝගාත්මක වන බවයි".

ඔවුන් දෙදෙනා චාල්ස් රජුගේ රාජාභිෂේකය සඳහා මැයි මාසයේදී ලන්ඩනයට ගිය අතර මාර්තු මස අගදී එක්සත් ජනපද ජනාධිපති ජෝ බයිඩන් සංචාරය කරන විටද එකට සිටියහ.

කෙසේ වෙතත් ටෲඩෝ තවමත් ඔහුගේ මංගල මුද්ද පැළඳ සිටිනු දක්නට ලැබීම විශේෂත්වයකි.