සැමියා සමඟ අමනාපව පෙරේදා 5 දහවල් නිවසින් පිට වූ දෙදරු මවගේ මළ සිරුර සැකකටයුතු අයුරින් කහපොල බොල්ගොඩ ගඟේ පාවෙමින් තිබියදී ඊයේ 6 පෙරවරුවේ හමුවූ බව කැස්බෑව පොලිසිය කියයි.
මෙලෙස සැකකටයුතු අයුරින් මියගොස් තිබුණේ කැස්බෑව කහපොල ප්‍රදේශයේ පදිංචිව සිටි ඒ.එල්.කරුණාවතී නමැති 71 කාන්තාවකි.
මියගිය කාන්තාව රෝගීව ඔත්පලව ඇඳ මත සිටින සැමියාට හිස හැරුණු අතේ යන බව පවසා නිවසින් පිටවී ගොස් තිබූ බව පොලිස් විමර්ශනවලදී අනාවරණය වී ඇත.
තම මව නිවසට නොපැමිණීම සම්බන්ධයෙන් පෙරේදා සවස සිට පුතු සොයා බලා අනතුරුව ඊයේ තවත් පුද්ගලයකු සමඟ මව සොයා බැලීමේදී බොල්ගොඩ ගඟේ මවගේ සිරුර පාවෙමින් තිබුණ දැක පොලිසියට දැනුම් දී ඇත.
මළ සිරුර තිබෙන ස්ථානයට පොලිස් ආරක්ෂාව යොදවා කැස්බෑව අධිකරණයේ මහේස්ත්‍රාත්වරයා එම ස්ථානයට කැඳවා පරීක්ෂණ පැවැත්වීමට නියමිතය.
කැස්බෑව පොලිසියේ ස්ථානාධිපති ප්‍රධාන පොලිස් පරීක්ෂක රන්ජන සමරසිංහ මහතාගේ උපදෙස් මත අපරාධ අංශයේ ස්ථානාධිපති පරීක්ෂක වීරවර්ධන පොලිස් සැරයන්වරුන් වන 49861 කරුණාතිලක 28615 කුසුම් සිරි මහත්වරුන් පරීක්ෂණ පවත්වයි.
බණ්ඩාරගම - බිමල් ජයසිංහ
0 Comments