වසර පහකට දේශපාලනය තහනම්වූ ඉම්රාන් ඛාන්

පකිස්ථානයේ හිටපු අගමැති ඉම්රාන් ඛාන්ට වසර පහක කාලයක් රජයේ නිලතල දැරීම එරට මැතිවරණ බලධාරීන් විසින් තහනම් කර තිබේ.
පකිස්ථාන මැතිවරණ කොමිසම විසින් මෙම තීරණය ප්‍රකාශයට පත් කරනු ලැබුවේ , ඛාන් මහතාට දූෂණ චෝදනා මත වසර තුනක සිර දඬුවමක් නියම වී දින තුනකට පසුවය.

අඟහරුවාදා නිවේදනයෙන් අදහස් වන්නේ ඛාන් මහතා පාර්ලිමේන්තු මන්ත්‍රීවරයෙකු ලෙස නෙරපා හරිනු ඇති බවයි.

ඔහු පවසන්නේ මෙම චෝදනා දේශපාලනික චේතනාවෙන් කරන ලද ඒවා බවයි. නමුත් පකිස්ථාන රජය විසින් එය ප්‍රතික්ෂේප කරයි.

පකිස්තානයේ තොරතුරු සහ විකාශන අමාත්‍ය Marriyum Aurangzeb මෙම නිවේදනයට පෙර BBC වෙත පැවසුවේ, "ඔහුගේ ක්‍රියාවන් සඳහා ඔහු නීතියෙන් වගවිය යුතුයි. මෙය දේශපාලනයට සම්බන්ධ නැහැ. අධිකරණය විසින් වරදකරු බව ඔප්පු වූ පුද්ගලයෙකු  අත්අඩංගුවට ගැනීම පමණක් සිදු කළා.." යනුවෙනි.

70 හැවිරිදි ඛාන්, 2018 දී පකිස්තානයේ නායකයා ලෙස තේරී පත් විය. එහෙත් රටේ හමුදාව සමඟ ඇති වූ මතභේදයක් හේතුවෙන් පසු ගිය වසරේ වූ විශ්වාසභංගයෙන් ඔහුව නෙරපා හරින ලදී.

සෙනසුරාදා ඔහු වැරදිකරු ලෙස තීරණය කිරීමට කේන්ද්‍රගත වූයේ , ඔහු විදේශීය ප්‍රභූවරුන්ගෙන් ලැබුණු තෑගි සහ ඒවා විකිණීමෙන් ලැබුණු මුදල් පිළිබඳ තොරතුරු වැරදි ලෙස ප්‍රකාශ කිරීම යන චෝදනා මත ය.

තෑගි පකිස්ථාන රුපියල් මිලියන 140 ($635,000; පවුම් 500,000) වඩා වටිනා බව වාර්තා වේ. එයට Rolex ඔරලෝසු, මුද්දක් සහ කෆ්ලින්ක් යුගලයක් ඇතුළත් විය.

ප්‍රාදේශීය මාධ්‍ය වාර්තා කළේ , ඛාන් මහතා වසර පහක් සඳහා කිසිදු මැතිවරණයකට ඉදිරිපත් වීමට නුසුදුස්සෙකු ලෙස එම වරදකරු තීන්දුවේ ඇතුලත් වූ  බවයි.

පකිස්තාන නීති අනුව, වරදකරු වූ පුද්ගලයෙකුට පකිස්ථානයේ මැතිවරණ කොමිසම විසින් නියම කරන ලද කාල සීමාවක් සඳහා රජයේ නිලතල සඳහා ඉදිරිපත් විය නොහැක.

ඔහුගේ නීතීඥ කණ්ඩායම මෙම තීන්දුව අභියෝගයට ලක් කර ඇති අතර නඩුව බදාදා ඉස්ලාමාබාද් මහාධිකරණයේදී විභාගයට ගැනීමට නියමිතය.

හිටපු අග්‍රාමාත්‍යවරයා මේ වන විට ඉස්ලාමාබාද් අසල බන්ධනාගාරයක රඳවා සිටියි.