මෙක්සිකෝවේදී එළිදැක්වූ පිටසක්වල ජීවීන්ගේ මමී නිසා ආන්දෝලනයක්

පිටසක්වල ජීවීන් සම්බන්ධ හෙළිදරව්වක් නිසා අද (13) ලෝකයේ මාධ්‍ය අවධානය මෙක්සිකෝව වෙත යොමු විය. මෙක්සිකානු දේශපාලක සභිකයින් රැස්වන කොන්ග්‍රසය හමුවේ මෙම හෙළිදරව්ව කළේ විද්‍යාඥයෙකු සහ මාධ්‍යවේදියෙකු වන පුද්ගලයෙකු විසිනි.
සියල්ලන් මවිතයට පත්කරමින් මමීකෘත ආගන්තුක මළසිරුරු දෙකක් මාධ්‍ය වෙත නිරාවරණය කිරීමක්ද මෙහිදී සිදු කෙරිණි.
මිනිසුන්ට වඩා මිටි හා වෙනස් ව්‍යාහුයක් සහිත සිරුරු දෙකක් මෙහිදී ප්‍රදර්ශනය කෙරිණි. පිටසක්වල ජීවීන් යයි අද්භූත කථාවලින් අපට අසා පුරුදු හිතේ ඇඳී තිබෙන හැඩරුවට සමාන මෙම සිරුරු වල ඡායාරූප අන්තර්ජාලයේ මේවනවිට පැතිරෙමින් පවතින අතර විවිධ විවේචනයන්ටද ලක්වෙමින් පවතී.
ආගන්තුක මළ සිරුරු" දෙකෙහි නිල "හෙළිදරව් කිරීම ufologist ලෙස හඳුන්වන විද්‍යාඥයෙකු හා මාධ්‍ය වේදියෙකු වන ජෙයිම් මවුසන් (Jaime Maussan) විසින් සිදු කරන ලදී.

ඔහු පවසන්නේ දකුනු ඇමරිකානු පේරු රාජ්‍යයේ  කුස්කෝ ප්‍රදේශයෙහි පතලකින් මෙම සිරුරු හමුවූ බවයි. කුඩා මමීකෘත සිරුරු වසර දහසක් පැරණි බවත් පවසා ඇත.

මෙක්සිකෝවේ ස්වදේශීය ජාතික විශ්ව විද්‍යාලය මෙම  "UFO නිදර්ශක" අධ්‍යයනය කරන ලද බවත් එහිදී විද්‍යාඥයින් විසින් විකිරණ කාබන් කාල නිර්ණය භාවිතයෙන් DNA සාක්ෂි ලබා ගැනීමට හැකි වූ බවත් විද්‍යාඥ මවුසන් මෙක්සිකානු රජයේ සාමාජිකයින්ට පැවසීය.

“මෙම නිදර්ශක අපගේ පෘථිවි භූමි පරිණාමයේ කොටසක් නොවේ... මේවා UFO සුන්බුන් වලින් පසුව සොයාගත් ජීවීන්ද නොවේ. ඒවා ඩයටම් (ඇල්ගී) පතල්වල තිබී සොයා ගන්නා ලද අතර පසුව පොසිල බවට පත්ව ඇති ඒවාය“
ඔහු පැහැදිලි කලේය.

රේඩියෝ කාබන් කාල නිර්ණය භාවිතයෙන් DNA සාක්ෂි ලබා ගැනීමට ඔවුන්ට හැකි වූ බවත් "නිදර්ශකවල DNA වලින් 30% නොදන්නා" බවත් මවුසාන් පැවසීය. එක් සිරුරක “ඇතුළත බිත්තර” තිබූ බවත් ඔස්මියම් වැනි දුර්ලභ ලෝහවලින් සාදන ලද බද්ධ කිරීම් තිබූ බවත් ඔහු අනාවරණය කළේය

Jaime Maussan යනු මාධ්‍යවේදියෙක්, රූපවාහිනී පෞරුෂයක් සහ UFOlogist කෙනෙක් වන අතර ඔහු 2017 දී පේරු හි Nazca හිදී සොයා ගන්නා ලද මමී 5ක් පිළිබඳ විශ්ලේෂණයට සම්බන්ධ වූවෙකි. මෙම මමී අත්වල සහ පාදවල ඇඟිලි තුනක් සහිත වකුටු වූ මානුෂීය රූප වූ අතර 'පිටසක්වල ජීවීන්' ලෙස නම් කරන ලදී.
නමුත් 2017 දී කළ මෙම සොයාගැනීම ගැන පසුව විවේචන මතුවිය.
Snopes.com හි වාර්තාවකට අනුව ,  මමීකෘත මළ සිරුර දරුවෙකුගේ බවට තර්ක කර තිබුණි.
එම තර්කය ගෙනා වාර්තාව 2017දී මෙසේ ඒ ගැන පැහැදිලි කර තිබුනි.

“වීඩියෝවේ පෙන්වා ඇති පරිදි පේරු හි දිගටි හිස් කබල් සහිත මමී කලින් සොයා ගැනීම, පිටසක්වල ජීවීන් පිළිබඳ සමාන අනුමාන කිරීම්වලට තුඩු දී ඇත. නමුත් මානව විද්‍යාඥයන් පැහැදිලි කර ඇත්තේ, දිගටි හිස් කබල යනු ආගමික චාරිත්‍රානුකූල කොටසක් ලෙස, කුඩා දරුවන්ගේ හිස් රෙදිවලින්, ලණුවලින් හෝ ලී ලෑලිවලින් පවා බැඳ තිබූ කෘත්‍රිම හිස්කබල විකෘති කිරීමේ පැරණි පුරුද්දක ප්‍රතිඵලයක් බවයි.”
එම විවේචන ගැන අද ජෙයිම් මවුසන් කිසිවක් පවසා නැත.

අද දින මෙම හෙළිදරව්ව අතරතුර, හාවඩ් තාරකා විද්‍යා දෙපාර්තමේන්තුවේ අධ්‍යක්ෂ සහ Oumuamua න්‍යායේ කර්තෘ, ප්‍රසිද්ධ මහාචාර්ය Abraham Avi Loeb, වීඩියෝ ඇමතුමක් මගින් මෙක්සිකානු රජයෙන් ඉල්ලා සිටියේ පිටසක්වල ජීවීන්ගේ හැකියාව අධ්‍යයනය කිරීමට ජාතික විද්‍යාඥයින්ට ඉඩ දෙන ලෙසයි.

කොංග්‍රසයේ නියෝජිතයින් පැවසුවේ තොරතුරු ඔවුන්ට කුතුහලයක් ඇති කර ඇති බවත් "මෙය ගැන දිගට සොයා බැලීමට" අවශ්‍ය බවත්ය.

පසුගිය වසරේ Roswell UFO සිද්ධියේ 75 වන සංවත්සරය සනිටුහන් කළ අතර එය අද දක්වාම කුතුහලයෙන් යුතු සොයාගැනීමකි.

පිටසක්වල අභ්‍යවකාශ යානයක් 1947 දී නිව් මෙක්සිකෝවේ කාන්තාරයේදී කඩා වැටුණු බව කියනු ලබන අතර, එය ඇමරිකානු රජය විසින් වසන් කර ඇති බව න්‍යායවාදීන් පවසා ඇත. පිටසක්වල සිරුරු ප්‍රතිසාධනය කිරීමට එය හේතු වූයේ යයි කියැවේ.