හදිසි අනතුරු කිහිපයකින් පසු පැරිසියේ ඊ- ස්කූටර් තහනම් කරයි

විදුලි ස්කූටරවල ආරක්ෂාව සහ පාරිසරික බලපෑම පිළිබඳ වසර පහක අධ්‍යයනයකින් පසු ඒවා තහනම් කළ පළමු යුරෝපීය අගනුවර බවට සිකුරාදා ප්‍රංශයේ පැරිස් නුවර පත් විය.
ප්‍රංශයේ පසුගිය කාලයේ ඊ-ස්කූටර් අතිශය ජනප්‍රිය විය. තරගකාරී ලෙස වෙළෙඳ පොළට විදුලි ස්කූටර ඉදිරිපත් කළ සමාගම් කිහිපයක්ම විය.

ප්‍රංශ පුවත්පත් වාර්තා අනුව, සිකුරාදා ක්‍රියාත්මක වූ තහනමට ආසන්න හේතුව 12 හැවිරිදි දැරියක් මෝටර් රථයක  ඊ-ස්කූටරයක් ​​මත මිය යාමය.

ස්කයි නිව්ස් වාර්තා කළේ පසුගිය වසරේ (2022) පැරිසියේ මෙකී ප්‍රවාහන මාධ්‍යයේ සෘජු ප්‍රතිඵල ලෙස මරණ තුනක් සහ තුවාල 459ක් සිදුවූ බවයි එසේම 2021 දී එක් මාරකයක් සහ තුවාල 353ක් සිදුවිය.
වයස 12 සිට 14 දක්වා ස්කූටර් ධාවනය කිරීම සඳහා අවම වයස වෙනස්කරන්නටද බලදාරින් පියවර ගත් අතර  මාර්ග නීති කඩකිරීම් සඳහා දැඩි දඩ මුදල් නිකුත් කිරීම හඳුන්වාදී තිබුණි.

පැරිසියේ සමාජවාදී නගරාධිපති ඈන් හිඩල්ගෝ තර්ක කළේ නගරයේ වීදිවලින් විද්‍යුත් ස්කූටර ඉවත් කිරීම “හිරිහැර” අඩු කරනු ඇති බවත් නාගරික විදුලි ස්කූටර් කුලියට දීමේ ක්‍රමයක් නොමැතිව විශාල නගරයක ජීවත් විය හැකි බවය.
මේ අනුව ජනමත විචාරණයක් පවත්වා මෙම වෙනස සිදු කිරීමට පැරිස් බලධාරීන් පියවර ගන්නා ලදි.

සියයට 90කට ආසන්න ජනතාවක් තහනමට පක්ෂව ඡන්දය ප්‍රකාශ කළද, යුරෝනිව්ස් හි වාර්තාවලට අනුව, ඡන්ද හිමි නාමලේඛනයේ සිටි සියයට 8කට වඩා අඩු පිරිසක් ඡන්දය ප්‍රකාශ කිරීමට පැමිණ තිබුණි.

සාමූහිකව නගරයට ඊ-ස්කූටර් 15,000ක් සැපයූ ප්‍රධාන ක්‍රියාකරුවන් තිදෙනා - ලයිම්, ටියර් සහ ඩොට් පුද්ගලික ඊ-ස්කූටර් මිලදී ගැනීමට හෝ විකල්ප ප්‍රවාහන ක්‍රම සෙවීමට බල කරමින් පසුගිය කාලයේ සිදු කළ ප්‍රචාරණද නතර කර තිබේ.