අබුඩාබි බිග් ටිකට් මිලියන 1757 ක දිනුම ලංකාවේ තුරෙයිලිංගම් ට

අබුඩාබි බිග් ටිකට් හි නවතම දිනුම් ඇදීමේදී ශ්‍රී ලාංකික සම්භවය ඇති අයෙකුට ඩිරාම් මිලියන 20 ක මහා ත්‍යාගයක් හිමි විය.(රුපියල් මිලියන 1757.6)
Gulf News ට අනුව  තුරෙයිලිංගම් ප්‍රභාගර් Series 255 Big Ticket Live දිනුම් ඇදීමේදී ජයග්‍රාහකයා ලෙස නම් කරන ලදී.
තුරෙයිලිංගම් මීට වසර 16 කට පෙර ශ්‍රී ලංකාවේ සිට එක්සත් අරාබි එමීර් රාජ්‍යයට සංක්‍රමණය වූ අතර දැනට ඩුබායි හි වැලට් සේවා සමාගමක අධීක්ෂක ලෙස කටයුතු කරයි.
ඔහු අගෝස්තු අවසාන සතියේ ගිම්හාන ප්‍රවර්ධන මිලදී ගැනීමක් ප්‍රයෝජන ගනිමින් ඔහුගේ ජයග්‍රාහී ටිකට්පත අන්තර්ජාලය හරහා මිලදී ගත්තේය.

තුරෙයිලිංගම් පසුගිය වසර පහ තුළ ඔහුගේ මිතුරන් 10 දෙනෙකුගෙන් යුත් කණ්ඩායමක් සමඟ බිග් ටිකට් මිලදී ගෙන ඇති අතර එය දිගටම කරගෙන යාමට සැලසුම් කරයි.
ඔවුන්ගේ විශාල ජයග්‍රහණය ගැන ඔහුගෙන් විමසූ විට, “මෙම ජයග්‍රහණය විශාල කම්පනයක් ඇති කළා. අපි තාමත් ඒ කම්පනයෙන් ගොඩ ඇවිත් නැහැ, මම හිතන්නේ. මේ ජයග්‍රහණය ජීවිතය වෙනස් කරාවි.”
පවසා තිබේ.
ඔහුට පසුව ඩිරාම් 100,000 ක දෙවන ත්‍යාගයට ඉන්දීය ජාතික සෙල්වරාජ් තංගයාන් නම් පුද්ගලයෙකුත් තුන්වන ත්‍යාගය වන ඩිරාම් 90,000 උස්බෙකිස්තාන ජාතික නොදිර් කුට්ලීව් යන්නෙක් විසිනුත් හිමිකරගෙන තිබෙනවා.
මීට අමතරව තවත් හත් දෙනෙක් ඩිරාම් 20,000- ඩිරාම් 80,000 අතර මුදල් ත්‍යාගවලට ඉන්දීය සහ පිලිපීන ජාතිකයන් හිමිකරගෙන තිබෙයි.